रूपा, पिंकीचा सलग तिसरा विजय
Total Views |
ग्लासगो
commonwealth-games राष्ट्रकुल क्रीडा स्पर्धेतील महिलांच्या 'लॉन बोल्स' दुहेरी गटातील सामन्यात, रूपा राणी तिर्की आणि पिंकी या भारतीय जोडीने टोंगाच्या पॅरिस बेकर व मिलिका नॅथन यांच्याकडून मिळालेल्या कडव्या आव्हानावर मात केली. शनिवारी झालेल्या या सामन्यात त्यांनी संयमी खेळ करत 'टाय-ब्रेकर'मध्ये विजय निश्चित केला. या भारतीय महिला जोडीचा हा सलग तिसरा विजय ठरला.
commonwealth-games भारतीय जोडीने सावध सुरुवात केली, परंतु पहिल्या 'एंड'मध्ये (फेरीत) त्यांना पराभव पत्करावा लागला आणि टोंगाने पहिल्या सेटमध्ये १-० अशी आघाडी घेतली. मात्र, दुसऱ्या 'एंड'मध्ये त्यांनी उत्कृष्ट सांघिक खेळाचे प्रदर्शन करत त्वरित पुनरागमन केले. पिंकीने रूपा राणीला अचूक 'बोल' (गोळा) टाकण्यासाठी मार्गदर्शन केले; रूपाने टाकलेला तो 'बोल' थेट 'जॅक'च्या (लक्ष्याच्या) अगदी जवळ जाऊन थांबला, ज्यामुळे भारताने धावसंख्या १-१ अशी बरोबरीत आणली.
commonwealth-games महिलांच्या दुहेरी गटातील 'ब' विभागात इंग्लंड व भारत या दोन्ही संघांनी आपापल्या तीन सामन्यांत तीन विजय मिळविले आहेत. मात्र, इंग्लंडचा संघ गुणतालिकेत अव्वल स्थानावर आहे.