पाकिस्तानातील अण्वस्त्रावर मुनीरांचा एकाधिकार
घटनादुरुस्तीनंतर नवीन लष्करी रचना लागू
Total Views |
इस्लामाबाद
pakistans-nuclear-assets पाकिस्तानने आपल्या संरक्षण प्रणालीमध्ये मोठा बदल केला असून, अण्वस्त्रे आणि सामरिक क्षेपणास्त्र प्रणालींची कमान लष्कराकडे हस्तांतरित केली आहे. २७ व्या घटनादुरुस्तीनंतर स्थापन झालेल्या राष्ट्रीय सामरिक कमांड (एनएससी) च्या माध्यमातून, आता वस्तुतः नियंत्रण फील्ड मार्शल असीम मुनीर यांच्या नेतृत्वाखालील केंद्रीय लष्करी कमांडकडे असेल. घटनादुरुस्तीनंतर लागू करण्यात आलेल्या नव्या लष्करी रचनेनुसीर पंतप्रधान शाहबाज शरीफ यांच्या अधिकाराला कात्री लागली आहे.
pakistans-nuclear-assets पाकिस्तानात आता पंतप्रधानांची भूमिका मर्यादित करण्यात आली असून, नवीन लष्करी रचना चीनच्या पीपल्स लिबरेशन आर्मीच्या मॉडेलपासून प्रेरित आहे. अण्वस्त्रे आणि सामरिक क्षेपणास्त्र प्रणालींची कार्यान्वयन कमान लष्कराकडे हस्तांतरित केली आहे. नवीन कायद्यानुसार, राष्ट्रीय सामरिक कमांड ची स्थापना करण्यात आली आहे, ज्याची कमान लष्करप्रमुख फील्ड मार्शल असीम मुनीर यांच्याकडे आहे. २७ व्या घटनादुरुस्तीनंतर स्थापन झालेली राष्ट्रीय सुरक्षा परिषद आता केंद्रीय लष्करी कमांडच्या अंतर्गत अण्वस्त्रे आणि इतर महत्त्वपूर्ण सामरिक संसाधनांच्या संचालनावर थेट नियंत्रण ठेवेल. पंतप्रधान शरीफ यांनी लेफ्टनंट जनरल अमीर रझा यांना फोर-स्टार जनरल पदावर पदोन्नती देऊन या नवीन कमांडचे पहिले कमांडर म्हणून नियुक्त केले आहे.
प्रणालीत काय झाले बदल ?
pakistans-nuclear-assets पूर्वी, पाकिस्तानचा अणुकार्यक्रम पंतप्रधानांच्या अध्यक्षतेखालील राष्ट्रीय कमांड प्राधिकरणाच्या अखत्यारीत होता. अण्वस्त्रांचा वापर किंवा तैनातीबाबतचा अंतिम निर्णय पंतप्रधान घेत असत. आता, नवीन लष्करी पुनर्रचनेअंतर्गत स्थापन झालेल्या राष्ट्रीय सुरक्षा परिषदेने प्रत्यक्ष कमांडची सूत्रे हाती घेतली आहेत. पंतप्रधानांची भूमिका आता केवळ माहिती स्वीकारण्यापुरती मर्यादित आहे. मुख्य निर्णय घेण्याचे अधिकार आता संरक्षण दल प्रमुख (सीडीएफ) फील्ड मार्शल असीम मुनीर यांच्याकडे आहेत.