कोण आहेत प्रल्हाद जोशी?

pralhad-joshi धर्मेंद्र प्रधान यांच्या राजीनाम्यानंतर केंद्र सरकारने प्रल्हाद जोशी यांच्याकडे शिक्षण मंत्रालयाची अतिरिक्त जबाबदारी सोपवली आहे. राष्ट्रपतींच्या मंजुरीनंतर पंतप्रधानांच्या सल्ल्यानुसार हा निर्णय घेण्यात आला. सध्या ग्राहक व्यवहार, अन्न व सार्वजनिक वितरण तसेच नवीन आणि नवीकरणीय ऊर्जा मंत्रालयाचा कारभार पाहणारे प्रल्हाद जोशी आता शिक्षण मंत्रालयाची धुराही सांभाळणार आहेत.

 

 

pralhad-joshi प्रल्हाद जोशी यांचा जन्म २७ नोव्हेंबर १९६२ रोजी कर्नाटकातील विजयपूर येथे झाला. त्यांनी धारवाड येथील कर्नाटक विद्यापीठातून कला शाखेची पदवी घेतली. विद्यार्थी जीवनापासूनच त्यांना सामाजिक प्रश्न आणि सार्वजनिक कार्याची आवड होती. पुढे त्यांनी सामाजिक कार्य आणि संघटनात्मक कामातून सक्रिय राजकारणात प्रवेश केला.

pralhad-joshi राजकारणातील सुरुवातीच्या काळात त्यांनी भारतीय जनता पक्षाच्या कर्नाटक संघटनेत विविध जबाबदाऱ्या सांभाळल्या. कार्यकर्ता, जिल्हा पदाधिकारी आणि नंतर राज्यस्तरीय नेतृत्व अशी त्यांची वाटचाल झाली. पक्षवाढीसाठी केलेल्या कामामुळे त्यांना कर्नाटक भाजपचे प्रदेशाध्यक्षपदही मिळाले. त्या काळात राज्यातील भाजप मजबूत करण्यात त्यांनी महत्त्वाची भूमिका बजावल्याचे मानले जाते.

pralhad-joshi २००४ मध्ये त्यांनी कर्नाटकातील धारवाड लोकसभा मतदारसंघातून पहिल्यांदा विजय मिळवत संसदेत प्रवेश केला. त्यानंतर २००९ , २०१४, २०१९ आणि २०२४ या निवडणुकांमध्येही त्यांनी सलग विजय मिळवत आपले राजकीय वर्चस्व कायम ठेवले. त्यामुळे ते धारवाडचे दीर्घकाळ प्रतिनिधित्व करणाऱ्या प्रमुख नेत्यांपैकी एक बनले.

pralhad-joshi सांसद म्हणून काम करताना त्यांनी अनेक महत्त्वाच्या संसदीय समित्यांवर सदस्य म्हणून काम केले. व्यवसाय सल्लागार समिती, आचार समिती, पेट्रोलियम आणि नैसर्गिक वायूविषयक स्थायी समिती तसेच इतर संसदीय समित्यांमधील त्यांच्या कामाची दखल घेण्यात आली.

pralhad-joshi २०१९ मध्ये नरेंद्र मोदी यांच्या दुसèया कार्यकाळात प्रल्हाद जोशी यांची केंद्रीय मंत्रिमंडळात निवड झाली. त्यांच्याकडे कोळसा, खाण आणि संसदीय कामकाज मंत्रालयाची जबाबदारी देण्यात आली. या काळात व्यावसायिक कोळसा खाण धोरण, खाण क्षेत्रातील सुधारणा आणि संसदेचे कामकाज सुरळीत चालविण्यात त्यांनी महत्त्वाची भूमिका बजावली.

pralhad-joshi धर्मेंद्र प्रधान यांच्या राजीनाम्यानंतर राष्ट्रपतींच्या मंजुरीने प्रल्हाद जोशी यांच्याकडे शिक्षण मंत्रालयाचा अतिरिक्त कार्यभार देण्यात आला आहे. त्यामुळे त्यांच्या जबाबदाèयांमध्ये आणखी एका महत्त्वाच्या मंत्रालयाची भर पडली आहे. शिक्षण क्षेत्रातील सुरू असलेल्या आव्हानांचा सामना करणे, परीक्षा व्यवस्थेवरील विश्वास पुन्हा निर्माण करणे आणि राष्ट्रीय शिक्षण धोरणाच्या अंमलबजावणीला गती देणे, ही त्यांच्या समोरील प्रमुख आव्हाने असतील.