अभिनेत्री शबाना आजमी यांना स्वाईन फ्ल्यूची लागण shabana azmi

shabana azmi  ज्येष्ठ अभिनेत्री आणि सामाजिक कार्यकर्त्या शबाना आझमी यांची प्रकृती अचानक बिघडली असून त्यांना स्वाइन फ्लू (H1N1)ची लागण झाल्याचे समोर आले आहे. स्वतः शबाना आझमी यांनी सोशल मीडियावर पोस्ट शेअर करत याबाबत माहिती दिली आहे.

 

 

डॉक्टरांनी त्यांना पुढील पाच दिवस पूर्ण विश्रांती घेण्याचा आणि आयसोलेशनमध्ये राहण्याचा सल्ला दिला आहे. त्यामुळे त्यांनी नियोजित सर्व सार्वजनिक कार्यक्रम पुढे ढकलले आहेत.शबाना आझमी या नुकत्याच दिल्लीतील जंतर-मंतर येथे विद्यार्थ्यांच्या आंदोलनाला पाठिंबा देण्यासाठी सहभागी झाल्या होत्या. सामाजिक आणि शैक्षणिक मुद्द्यांवर त्या नेहमीच आपली भूमिका स्पष्टपणे मांडत असतात. या आंदोलनानंतर त्यांची प्रकृती खालावली आणि वैद्यकीय तपासणीत त्यांना H1N1 विषाणूची लागण झाल्याचे निदान झाले.

मुंबईत आयोजित करण्यात आलेल्या आंदोलनात सहभागी होणे शक्य होणार नसल्याचे त्यांनी इन्स्टाग्रामवरील एका भावनिक पोस्टमधून सांगितले. आपल्या अनुपस्थितीबद्दल त्यांनी खेदही व्यक्त केला.आझमी यांनी आपल्या पोस्टमध्ये म्हटले, “माझ्या प्रिय मुंबईकरांनो, मला उद्या तुमच्यासोबत आंदोलनात सहभागी व्हायचे होते. मात्र मला H1N1 (स्वाइन फ्लू) झाला असून पुढील पाच दिवस मला आयसोलेशनमध्ये राहावे लागणार आहे. मी प्रत्यक्ष उपस्थित राहू शकत नसले तरी माझा पूर्ण पाठिंबा आणि शुभेच्छा तुमच्यासोबत आहेत.”

त्यांनी पुढे सांगितले की, shabana azmi  अनेक युवक-युवती पहिल्यांदाच एखाद्या आंदोलनात सहभागी होत असून त्यांनी आपल्या आवाजाचे महत्त्व अनुभवले आहे. या तरुणांचा धैर्य, जिद्द आणि निर्धार आपल्याला सतत प्रेरणा देत असल्याचेही त्यांनी नमूद केले. “मी पूर्णपणे तुमच्या पाठीशी उभी आहे,” असा संदेश त्यांनी दिला.यासोबतच शबाना आझमी यांनी त्यांचे वडील आणि प्रसिद्ध कवी कैफी आझमी यांनी तरुणांसाठी लिहिलेली ‘नौजवान’ ही कविता देखील सोशल मीडियावर शेअर केली. या कवितेच्या माध्यमातून त्यांनी युवकांना प्रेरणा देण्याचा प्रयत्न केला.शबाना आझमी यांच्या प्रकृतीची माहिती समोर आल्यानंतर त्यांच्या चाहत्यांनी आणि अनेक कलाकारांनी सोशल मीडियावर त्यांच्या लवकर बरे होण्यासाठी शुभेच्छा दिल्या आहेत. त्या लवकरच पूर्णपणे बऱ्या होऊन पुन्हा आपल्या अभिनय आणि सामाजिक कार्यात सक्रिय होतील, अशी अपेक्षा व्यक्त केली जात आहे.