भाऊ अन् विद्यार्थ्यांच्या अटकेवर तेजस्वींचा एल्गार; आंदोलनाचा इशारा!

tejashwi-yadav-aggressive : राष्ट्रीय जनता दलाचे प्रमुख लालू प्रसाद यादव यांचे मोठे चिरंजीव तेज प्रताप यादव आणि पक्षाच्या इतर आमदारांच्या अटकेनंतर बिहारमधील राजकीय वातावरण चांगलेच तापले आहे. या अटकेवर विरोधी पक्षनेते तेजस्वी यादव यांची पहिली प्रतिक्रिया समोर आली असून, त्यांनी सरकारला थेट इशारा दिला आहे. तेज प्रताप यादव आणि अटक करण्यात आलेल्या इतर आमदारांची तात्काळ सुटका न झाल्यास मोठे आंदोलन उभारले जाईल, असा इशारा तेजस्वी यादव यांनी दिला आहे.

 

 

 

 

 

 

पत्रपत्रिका फुटीच्या (पेपर लीक) विरोधात आणि स्वतःच्या हक्कासाठी रस्त्यावर उतरलेल्या सर्व विद्यार्थ्यांचे तेजस्वी यादव यांनी आभार मानले. ते म्हणाले की, विद्यार्थ्यांनी स्वतःच्या भविष्यासाठी आणि अधिकारांसाठी हा लढा दिला आहे. या लढ्यात विरोधी पक्षातील सर्व घटक पक्षांनी विद्यार्थ्यांना पूर्ण पाठिंबा दिला आहे.

 

 

बिहारमधील परिस्थितीवर भाष्य करताना तेजस्वी यादव यांनी सांगितले की, विरोधकही या लढ्यात पूर्णपणे सहभागी झाले होते. मात्र, विद्यार्थ्यांचे आंदोलन दडपण्यासाठी हजारो विद्यार्थ्यांवर गुन्हे दाखल करण्यात आले आहेत. बिहारमधील प्रत्येक जिल्ह्यातून मोठ्या संख्येने तरुण आणि विद्यार्थी रस्त्यावर उतरले होते.

 

 

अटक करण्यात आलेल्या लोकप्रतिनिधींना आणि विद्यार्थ्यांना लवकरात लवकर सोडण्यात आले नाही, तर राष्ट्रीय जनता दल आणि विरोधी पक्ष रस्त्यावर उतरून राज्यभरात तीव्र निदर्शने करतील, असे तेजस्वी यादव यांनी स्पष्ट केले.