योगी सरकारचा मोठा निर्णय इतिहासाच्या पानांवर नवा अध्याय

Yogi Adityanath उत्तर प्रदेशचे मुख्यमंत्री योगी आदित्यनाथ यांनी आग्र्यात उभारण्यात येत असलेल्या भव्य संग्रहालयाचे नाव छत्रपती शिवाजी महाराज संग्रहालय असे ठेवण्याची घोषणा केली आहे. आग्र्यातील बांधकामाधीन मुघल संग्रहालय आता छत्रपती शिवाजी महाराजांच्या नावाने ओळखले जाईल, असे त्यांनी स्पष्ट केले.

 

 

मुख्यमंत्री योगी आदित्यनाथ यांनी समाजवादी पक्षाच्या (सपा) मागील सरकारवर निशाणा साधत सांगितले की, आग्र्यात मुघल बादशहा औरंगजेबाच्या नावावर संग्रहालय उभारण्याची योजना करण्यात आली होती. मात्र, त्यांच्या सरकारकडून देशावर आक्रमण करणाऱ्या कोणत्याही व्यक्तीच्या नावाने संग्रहालय उभारण्यासाठी जनतेच्या कष्टाच्या पैशाचा वापर केला जाणार नाही. त्याऐवजी देशाच्या महानायकांच्या नावाने भव्य संग्रहालये उभारली जातील.

आग्र्यात 342 कोटी रुपयांहून Yogi Adityanath अधिक खर्चाच्या 53 विकास प्रकल्पांचे उद्घाटन आणि भूमिपूजन केल्यानंतर आयोजित सभेत मुख्यमंत्री योगी आदित्यनाथ बोलत होते. त्यांनी सांगितले की, ज्या आग्र्याच्या भूमीवर छत्रपती शिवाजी महाराजांनी आपल्या पराक्रमाची छाप सोडली, त्याच ठिकाणी समाजवादी पक्षाच्या सरकारकडून मुघल संग्रहालय उभारण्याची योजना आखण्यात आली होती. मात्र, आता छत्रपती शिवाजी महाराजांच्या नावाने भव्य संग्रहालय उभारले जाईल आणि त्याचे काम याच वर्षाच्या अखेरपर्यंत पूर्ण केले जाईल.

यासोबतच, छत्रपती शिवाजी महाराज ज्या ऐतिहासिक ‘कोठी’मध्ये वास्तव्यास होते, त्या वास्तूचे अधिग्रहण करण्यासही सरकारने मंजुरी दिल्याचे मुख्यमंत्री योगी यांनी सांगितले.