निर्मल नगरीत आषाढी एकादशी उत्साहात

Nirmal Nagari Umred Road उमरेड मार्गावरील निर्मल नगरी येथील श्री संत गजानन महाराज सेवा ट्रस्टतर्फे देवशयनी आषाढी एकादशी उत्साहात साजरी करण्यात आली. पहाटेपासून हजारो भाविकांनी श्री विठ्ठल-रुक्मिणी व श्री संत गजानन महाराजांचे दर्शन घेतले. मंदिर परिसर विठ्ठलनामाच्या अखंड गजराने दुमदुमून गेला.

 

 

फळे, फुले व आकर्षक रोषणाईने मंदिराची सजावट करण्यात आली होती. भजन, कीर्तन व हरिनाम संकीर्तनात महिला, पुरुष, युवक आणि ज्येष्ठ नागरिकांनी मोठ्या श्रद्धेने सहभाग घेतला. कार्यक्रमानंतर भाविकांना साबुदाणा खिचडी, उपवासाचे लाडू, केळी व खोवा जिलेबीचा महाप्रसाद देण्यात आला. उत्कृष्ट नियोजनामुळे हा भक्तिमय सोहळा भाविकांसाठी संस्मरणीय ठरला.