रुग्णालयातून डिस्चार्ज मिळताच सोनम वांगचुक राजघाटावर

Sonam Wangchuk at Rajghat पर्यावरण कार्यकर्ते सोनम वांगचुक यांना रुग्णालयातून डिस्चार्ज मिळाल्यानंतर त्यांनी पत्नी गीतांजली यांच्यासोबत राजघाटावर जाऊन महात्मा गांधींना अभिवादन केले. यावेळी त्यांनी अहिंसा आणि शांततेचा मार्ग आजही तितकाच प्रभावी असल्याचे सांगितले. जंतर मंतरवरील आंदोलनादरम्यान वांगचुक यांनी २६ दिवस उपोषण केले होते. त्यानंतर १८ जुलै रोजी त्यांना सफदरजंग रुग्णालयात दाखल करण्यात आले. दिल्ली उच्च न्यायालयाच्या आदेशानंतर त्यांना मेदांता रुग्णालयात हलवण्यात आले होते. आता प्रकृतीत सुधारणा झाल्यानंतर त्यांना रुग्णालयातून घरी जाण्याची परवानगी देण्यात आली.

 

 

 

राजघाटावर बोलताना वांगचुक यांनी महात्मा गांधींच्या विचारांचा उल्लेख केला. शांततेच्या मार्गाने आणि स्वतः त्रास सहन करून केलेले आंदोलन कोणत्याही कठोर सत्तेलाही विचार करण्यास भाग पाडू शकते, असे ते म्हणाले. तरुणांनी शांततापूर्ण मार्गाने केलेल्या आंदोलनाचे त्यांनी कौतुक केले.वांगचुक २८ जून रोजी विद्यार्थी आंदोलनात सहभागी झाले होते. पेपरफुटी प्रकरणी तत्कालीन केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी झुरळ जनता पक्षाने ३६ दिवस आंदोलन केले होते. प्रधान यांच्या राजीनाम्यानंतर हे आंदोलन संपले. त्यानंतर शिक्षण मंत्रालयाची जबाबदारी प्रल्हाद जोशी यांच्याकडे सोपवण्यात आली आहे. वांगचुक यांनी या आंदोलनाला पाठिंबा देणाऱ्या सर्वांचे आभार मानत ‘जय हिंद’ म्हणत आपला संदेश समाप्त केला.