रविवारचा सुपर संडे; भारत विरुद्ध पाकिस्तान!

ind-vs-pak : जेव्हा जेव्हा भारतीय आणि पाकिस्तानी खेळाडू एकमेकांसमोर येतात, तेव्हा उत्साह शिगेला पोहोचतो. सामना क्रिकेटच्या मैदानावर असेल तर काय म्हणावे? पुन्हा एकदा भारतीय आणि पाकिस्तानी खेळाडूंमध्ये सामना होणार आहे. मात्र, हा आंतरराष्ट्रीय सामना नाही. हा सामना 'एशियन लेजेंड्स लीग २०२६' मध्ये होणार आहे, जी आधीच सुरू झाली आहे. यावेळी या स्पर्धेत एकूण सहा संघ सहभागी होत आहेत. इंडियन रॉयल्स आणि पाकिस्तान पँथर्स यांच्यातील सामना रविवार, २ ऑगस्ट रोजी खेळला जाईल. मात्र, पुढील वर्षी होणाऱ्या एकदिवसीय विश्वचषक २०२७ मधील भारत आणि पाकिस्तान यांच्यातील आंतरराष्ट्रीय सामन्याचीही उत्सुकता आहे.

 

 

 

 

एशियन लेजेंड्स लीगचा हंगाम सुरू झाला आहे. पहिला सामना गुरुवार, ३० जुलै रोजी खेळला गेला. श्रीलंका लायन्स आणि अफगाणिस्तान पठाण यांच्यात सामना झाला. श्रीलंका लायन्सने हा सामना १५ धावांनी जिंकला. आज, शुक्रवारी, पाकिस्तान पँथर्स आणि एशियन स्टार्स यांच्यात सामना होणार आहे. विशेष म्हणजे, अनेक भारतीय खेळाडू एशियन स्टार्स संघात खेळताना दिसतील.

मोहम्मद हाफीज पाकिस्तान पँथर्स संघाचे कर्णधारपद भूषवत आहे. या संघात शरजील खान, उमर अकमल, शोएब मलिक, कामरान अकमल, सोहेल तन्वीर, वहाब रियाझ, सईद अजमल आणि नावेद-उल-हक राणा यांसारखे खेळाडू खेळत आहेत, ज्यांनी भारताविरुद्ध आंतरराष्ट्रीय क्रिकेटही खेळले आहे. एशियन स्टार्सबद्दल बोलायचे झाल्यास, तिलकरत्ने दिलशान संघाचे कर्णधारपद भूषवत आहे. या संघात सौरभ तिवारी, अंकित राजपूत आणि रॉबिन उथप्पा यांसारखे भारतीय खेळाडू दिसतील.

इंडियन रॉयल्सचा स्पर्धेतील पहिला सामना आज, ३१ जुलै रोजी सायंकाळी ५ वाजता खेळला जाईल. या संघाचे कर्णधारपद शिखर धवनकडे असून, त्यात नमन ओझा, अंबाती रायडू, सुरेश रैना, युसूफ पठाण, दिनेश कार्तिक आणि हरभजन सिंग यांसारख्या खेळाडूंचा समावेश आहे.

इंडियन रॉयल्स संघ: शिखर धवन (कर्णधार), नमन ओझा (यष्टीरक्षक), अंबाती रायडू, सुरेश रैना, यूसुफ पठान, दिनेश कार्तिक, स्टुअर्ट बिन्नी, शाहबाज नदीम, हरभजन सिंह, पवन नेगी, मनप्रीत गोनी, ऋषि धवन, सुदीप त्यागी, फैज फजल, शादाब जकाती, अनुरीत सिंह, असद पठान, सरुल कंवर, ईश्वर पांडे, राघव धवन, सुबोथ भाटी.

पाकिस्तान पँथर्स संघ: शरजील खान, उमर अकमल, मोहम्मद हफीज (कर्णधार), शोएब मलिक, कामरान अकमल (यष्टीरक्षक), इमरान नजीर, समी असलम, अब्दुर रहमान, सोहेल तनवीर, वहाब रियाज, सईद अजमल, नावेद-उल-हसन, मोहम्मद इरफान, यासिर शाह, राहत अली, राणा नईम अनवर.