पुरात वाहून गेलेला इसम पहाटे रेस्यू

यशोदा नदीच्या काठी असलेल्या चिखल्या नाल्यावरून जात असतानाच पाण्याचा प्रवाह वाढल्याने दुचाकीसह वाहून गेला होता. तो घटनेच्या ठिकाणापासून जवळपास तीन किलोमीटर पर्यंत पाण्याच्या प्रवाहात वाहत गेला. त्याला पोहणे येत असल्याने त्याने एका झाडाला घट्ट पकडून तो तेथेच राहिला. घटनेची माहिती अल्लीपूर पोलिसांना मिळताच तात्काळ ठाणेदार संगीता हेलोंडे यांनी घटनेची माहिती हिंगणघाटचे तहसीलदार व आपत्कालीन चमूला दिली. १२ ते १ वाजेपर्यंत ही चमू घटनास्थळी पोहोचली. मात्र, सतत पाऊस सुरू आणि पाणी पातळी वाढल्याने त्यांच्या हिंमतीने साथ सोडली. त्यानंतर एनडीआरएफच्या चमूला बोलावण्यात आले. एनडीआरएफच्या चमूने कसोशीने प्रयत्न केले. एनडीआरएफच्या चमूने पाण्यात बोट टाकून अक्षय माटे याला पहाटे ४ वाजता सुरक्षित बाहेर काढण्यात यश आले. एसडीआरएफ चमू नागपूर व डीडीआरएफ वर्धा चमूने हे रेस्यू ऑपरेशन राबविले. यावेळी हिंगणघाटचे तहसीलदार भलावी, अल्लीपूरचे ठाणेदार संगीता हेलोंडे, उपनिरीक्षक वर्षा तांदूळकर व पोलिस शिपाई उपस्थित होते.