एकाच क्षणात संसार उद्ध्वस्त; पत्नीवर जीवघेणा हल्ला! VIDEO

husband-attacks-wife-with-a-knife : पश्चिम बंगालच्या उत्तर २४ परगणा जिल्ह्यातील सोडेपूर परिसरातून एक खळबळजनक घटना समोर आली आहे, ज्याचा व्हिडिओ व्हायरल होत आहे. सोडेपूर फ्युचर गेटसमोर एका पतीने सर्वांसमक्ष आपल्या पत्नीवर अचानक धारदार चाकूने हल्ला केला. पतीच्या या भयानक कृत्याने संपूर्ण परिसर हादरला आणि लोक जागेवरच उभे राहून पाहत राहिले. तो चाकू उगारून लोकांना धमकावत असल्याने कोणीही काही करू शकले नाही.

 

 

 

 

 

ही घटना सोडेपूर घोला महेंद्रनगर येथे घडली. एक महिला आपल्या घरातून सोडेपूर स्टेशनकडे सायकल चालवत जात असताना, कांचकल स्कूल चौकासमोर तिच्या पतीने तिच्यावर अचानक एका धारदार शस्त्राने हल्ला केला. पत्नीला ठार मारल्यानंतर, त्याने त्याच धारदार शस्त्राने स्वतःलाही कापायला सुरुवात केली! या घटनेमुळे परिसरात मोठी खळबळ उडाली.

 

 

 

सौजन्य: सोशल मीडिया 

 

व्हायरल झालेल्या व्हिडिओमध्ये, पती त्या तरुणीला चाकूने धमकावताना आणि तिच्यावर वारंवार हल्ला करताना दिसत आहे, तर पत्नी स्वतःचा जीव वाचवण्यासाठी धडपडताना दिसत आहे. व्हिडिओमध्ये पादचारी मध्यस्थी करण्याचा प्रयत्न करताना दिसत आहेत, परंतु आरोपी पती चाकू उगारून त्यांनाही धमकावत असल्याचे दिसत आहे. या घटनेमुळे संपूर्ण परिसरात घबराट पसरली.

 

 

पोलिसांच्या सूत्रांनुसार, मृत महिलेचे नाव गीता दास आणि तिच्या पतीचे नाव सुभाष दास आहे. सुभाष दास यांना गंभीर अवस्थेत स्थानिक सागर दत्ता रुग्णालयात दाखल करण्यात आले आहे. त्यांची प्रकृती चिंताजनक असल्याचे सांगण्यात येत आहे. पोलिसांच्या सूत्रांनुसार, गीता दास आणि सुभाष दास हे पती-पत्नी आहेत, परंतु या घटनेमागील हेतू अद्याप कळलेला नाही. खरडा पोलिसांनी या घटनेचा तपास सुरू केला आहे. सुभाष दासने आपल्या पत्नीवर वारंवार हल्ला का केला, याबद्दल लोकांमध्ये तर्कवितर्क लावले जात आहेत. सार्वजनिक ठिकाणी घडलेल्या या घटनेमुळे अनेक तर्कवितर्क सुरू झाले आहेत. आता केवळ पोलिसांच्या तपासातूनच सुभाष दासने हे कृत्य का केले, हे उघड होईल.