सणावारांपूर्वीच साखर कडाडली

sugar prices मागील काही महिन्यात पेट्रोल, डिझेल, घरगुती गॅस अशा सर्व जीवनावश्यक गोष्टी सामान्यांसाठी महागल्या असताना आता घरातील साखरेचा गोडवाही कमी झाला आहे. जून महिन्यात देशातील बहुतांश भागात पावसाने ओढ दिल्यामुळे त्याचा थेट परिणाम साखरेच्या किमतींवर झाला आहे. गेल्या एक महिन्यात साखरेच्या दरांमध्ये 6 ते 7 टक्क्यांची वाढ नोंदवली गेली आहे. कमी पावसामुळे उसाच्या उत्पादनाला फटका बसण्याची शक्यता निर्माण झाल्याने बाजारात साखरेचे भाव कडाडले आहेत.

 

 

sugar prices देशात साखरेचे सर्वाधिक उत्पादन घेणाèा महाराष्ट—ात साखर कारखान्यांतून बाहेर पडणाèया साखरेचा प्रति किलोचा दर 38.5 रुपयांवरून थेट 41.5 रुपयांवर गेला आहे. कोल्हापूरच्या घाऊक बाजारातही अवघ्या महिनाभरात साखर 7 टक्क्यांपेक्षा जास्त महागली असून, सध्या प्रति क्विंटलचा भाव 4120 रुपयांवर पोहोचला आहे. घाऊक बाजारातील या दरवाढीचा फटका लवकरच किरकोळ ग्राहकांनाही बसण्याची शक्यता वर्तवली जात आहे.

sugar prices एकीकडे मान्सूनच्या संथ गतीमुळे ऊस उत्पादनाबाबत निर्माण झालेली चिंता आणि दुसरीकडे अधिक मास संपताच सुरू झालेली लग्नसराई, सण-उत्सव व धार्मिक कार्यक्रमांमुळे साखरेच्या मागणीत झालेली मोठी वाढ, या दोन्ही घटकांमुळे बाजारात साखरेची टंचाई जाणवू लागली असून किमती वेगाने वाढल्या आहेत.

sugar prices दरम्यान, जुलैच्या सुरुवातीला झालेल्या जोरदार पावसामुळे ऊस पिकाला मोठा दिलासा मिळाला आहे. पुढील काळात मान्सूनचा प्रवास समाधानकारक राहिल्यास उत्पादनावरील संकट टळू शकते आणि साखरेचे वाढते दर नियंत्रणात येण्यास मदत होईल, अशी अपेक्षा व्यक्त केली जात आहे.

sugar prices ’एल निनो’चा साखर उत्पादनावर होणारा संभाव्य परिणाम आणि देशांतर्गत बाजारातील संभाव्य टंचाई ओळखून केंद्र सरकारने मे महिन्यातच साखरेच्या निर्यातीवर मर्यादा आणल्या होत्या. सणासुदीच्या काळात देशात साखरेचा पुरेसा पुरवठा राहावा आणि सामान्यांना महागाईची झळ बसू नये, हा यामागचा हेतू होता. आता साखरेचे भविष्य पूर्णपणे मान्सूनच्या पुढील वाटचालीवर अवलंबून असणार आहे.