सावधान! खऱ्या सौंदर्याचे गमक शोधाल तर किडनी गमवाल!

गोरेपणा म्हणजे सौंदर्य नसते. प्रत्येकाची त्वचा नैसर्गिक असते. काही दिवसांत गोरे करण्याचा दावा करणाऱ्या कोणत्याही क्रीमवर विश्वास ठेवू नका. गोरी आणि चमकदार त्वचेच्या मोहापायी अनेक जण ऑनलाईन किंवा सोशल माध्यमांवर विकल्या जाणाऱ्या क्रीम्स वापरतात. मात्र ‘गोरी ब्युटी क्रीम’ आणि ‘फेस फ्रेश गोल्ड’ या दोन क्रीम्समध्ये धोकादायक प्रमाणात पारा आणि काहींमध्ये शिसे आढळून आले आहे. पारा हा शरीरासाठी मंद विषासारखा आहे. क्रीम लावल्यावर तो त्वचेद्वारे थेट रक्तात मिसळतो. सुरुवातीला लक्षणे दिसत नाहीत. नंतर लघवीत प्रथिने जाणे, हात-पाय आणि चेहऱ्यावर सूज येणे आणि अखेर मूत्रपिंड निकामी होऊ शकतात. निरोगी आहार, पुरेशी झोप आणि सूर्यापासून संरक्षण हेच खऱ्या सौंदर्याचे गमक आहे.

प्रसिद्ध त्वचारोग तज्ज्ञ, सहायक प्राध्यापक