रेव्हिट प्रशिक्षणातून विद्यार्थ्यांना तंत्रज्ञानाचे धडे

students learn about technology गोविंदराव वंजारी कॉलेज ऑफ इंजिनिअरिंग अँड टेक्नॉलॉजीच्या सिव्हिल अभियांत्रिकी विभागातर्फे करिअर कॅड टेक्नॉलॉजीच्या सहकार्याने आणि संस्थेच्या अंतर्गत गुणवत्ता हमी कक्षाच्या सहयोगाने विद्यार्थ्यांसाठी ‘बीआयएम यूजिंग ऑटोडेस्क रेव्हिट’ या विशेष मूल्यवर्धित अभ्यासक्रमाचा नुकताच यशस्वी समारोप करण्यात आला. या प्रशिक्षणाच्या माध्यमातून विद्यार्थ्यांना त्रिमितीय पॅरामेट्रिक मॉडेलिंग, संरचनात्मक डिझाइन आणि स्वयंचलित प्रमाण मोजणी यांसारखी व्यावहारिक कौशल्ये आत्मसात करण्याची संधी मिळाली. अभ्यासक्रमादरम्यान विद्यार्थ्यांनी बहुमजली प्रकल्पांचे स्वतंत्र मॉडेल तयार केले. या बॅचने १०० टक्के प्रकल्प पूर्णत्वाचा दर साध्य केल्याबद्दल विद्यार्थ्यांचे कौतुक करण्यात आले.

 

 

समारोप समारंभाला महाविद्यालयाचे प्राचार्य डॉ. सलीम चव्हाण, उपप्राचार्य डॉ. राकेश श्रीवास्तव, कुलसचिव प्रा. अविष्कार वंजारी, अंतर्गत गुणवत्ता हमी कक्षाचे समन्वयक प्रा. मोहित चाचेरे आणि सिव्हिल अभियांत्रिकी विभागप्रमुख प्रा. सौरभ पाथरे यांची प्रमुख उपस्थिती होती. यावेळी मेकॅनिकल अभियांत्रिकी विभागप्रमुख डॉ. हेमंत भगत पाटील आणि आयटी विभागप्रमुख प्रा. प्रशांत गुमगावकर यांचीही उपस्थिती होती. अभ्यासक्रम तज्ज्ञ रुपल बी. हटवार आणि संचालक योगेश व्ही. हडके यांनी विद्यार्थ्यांचे अभिनंदन केले. अभ्यासक्रम समन्वयक प्रा. सुदर्शन पी. पाटील यांनी प्रशिक्षणादरम्यान प्रत्येक विद्यार्थ्याने स्वतंत्र बहुमजली प्रकल्पाचे मॉडेल यशस्वीरीत्या पूर्ण केल्याची माहिती दिली.

 

अमर सेवा मंडळाच्या अध्यक्षा डॉ. सुहासिनी वंजारी, सचिव तथा आमदार ॲड. अभिजित वंजारी, कोषाध्यक्षा आणि आरटीएम नागपूर विद्यापीठाच्या सिनेट सदस्या डॉ. स्मिता वंजारी तसेच महाविद्यालयाचे प्राचार्य डॉ. सलीम चव्हाण यांनी या उपक्रमाच्या यशस्वी आयोजनाबद्दल आयोजकांचे अभिनंदन केले. विद्यार्थ्यांना आधुनिक तंत्रज्ञानाचे व्यावहारिक ज्ञान मिळण्यासाठी अशा उपक्रमांचे महत्त्वही त्यांनी अधोरेखित केले. अभ्यासक्रमाच्या यशस्वी आयोजनासाठी महाविद्यालयातील शिक्षक व शिक्षकेतर कर्मचाऱ्यांनी सहकार्य केले. कार्यक्रमाचा समारोप प्रमाणपत्र वितरण आणि आभार प्रदर्शनाने झाला.