लखनौ

देणगी अनियमिततेचे प्रकरण समोर आल्यानंतर राम मंदिर ट्रस्टने एसआयटी चौकशीची विनंती केली होती. त्यानुसार राज्य सरकारने १३ जून रोजी एसआयटी स्थापन केली होती. लखनौचे विभागीय आयुक्त विजय विश्वास पंत यांच्या अध्यक्षतेखाली स्थापन झालेल्या या तीन सदस्यीय एसआयटीत पोलिस महानिरीक्षक किरण एस. आणि विशेष सचिव (वित्त) नील रतन कुमार यांना सदस्य म्हणून नियुक्त करण्यात आले होते. एसआयटीने २३ जून रोजी प्राथमिक अहवाल सरकारला सादर केला होता. मात्र, देणगी चोरीची चौकशी अजूनही सुरू आहे. सर्वोच्च न्यायालयाच्या निर्देशानुसार स्थापन केलेली दुसरी एसआयटी या प्रकरणाची चौकशी करीत आहे. सर्वोच्च न्यायालयाने एसआयटीमध्ये चौकशीची सूत्रे आयपीएस अधिकाऱ्याकडे सोपवण्यास सांगितले होते. त्याचबरोबर यात आर्थिक तज्ज्ञांनाही समाविष्ट करण्याचा निर्देश दिला होता.