ना. बावनकुळे यांच्याहस्ते जिल्हाधिकारी वॉर रुमचे उद्घाटन
Total Views |
वर्धा,
chandrashekhar-bawankule : जिल्हाधिकारी कार्यालयात सुरू करण्यात आलेल्या जिल्हाधिकारी वॉररुमचे उद्घाटन महसूल मंत्री चंद्रशेखर बावनकुळे, पालकमंत्री डॉ. पंकज भोयर यांच्या हस्ते करण्यात आले.
यावेळी जिल्हाधिकारी वान्मथी सी, मुख्य कार्यकारी अधिकारी पराग सोमण, अतिरिक्त जिल्हाधिकारी संजय तेली उपस्थित होते. उद्घाटनानंतर महसूल मंत्री व पालकमंत्र्यांनी वॉररुम तसेच व्हिडिओ कॉन्फरन्स रुमची पाहणी केली. जिल्हाधिकारी वान्मथी सी यांनी सादरीकरणाद्वारे वॉररुममध्ये करण्यात येणार्या कामांची माहिती सादर केली. या वॉररुममधून एकात्मिक निरीक्षण व सनियंत्रण केले जाणार आहे. डेटा आधारित निर्णय प्रक्रिया, अंमलबजावणीचा मागोवा आणि जिल्हा विकासाच्या प्राधान्यक्रमांसाठी हे एक समन्वयित केंद्र असणार आहे. याठिकाणी विकासात्मक नियोजन आणि कृतीसंगम, प्रकल्प प्रगती व आढावा डॅशबोर्ड, धोरण निर्मिती व समस्या निवारण, नवीन प्रकल्पांची संकल्पना व आराखडा निर्मिती, माहिती व्यवस्थापन व नियंत्रण, शासकीय योजनांची प्रभावी अंमलबजावणी करण्यास वॉर रुमची महत्त्वाची भूमिका राहणार असल्याचे जिल्हाधिकार्यांनी सांगितले.
वॉररुममधून वैनगंगा- नळगंणा नदीजोड प्रकल्प, शक्तिपीठ महामार्ग, नीती आयोगाचा आकांक्षित तालुका कार्यक्रम तसेच मित्राच्या महास्ट्राईड प्रकल्पाचे सनियंत्रण केले जाणार आहे.