pt-usha commonwealth-games भारताने जिंकलेल्या १३ सुवर्णपदकांपैकी ८ पदके महिलांनी जिंकल्याचे पाहून मला प्रचंड अभिमान वाटतो. ही यशोगाथा म्हणजे खेळाडू, त्यांचे कुटुंबीय, प्रशिक्षक आणि सहाय्यक पथके यांच्या अनेक वर्षांच्या समर्पणाचे फळ आहे. प्रत्येक पदक हे चिकाटी आणि त्यागाची कथा सांगते. त्याहून महत्त्वाचे म्हणजे, या विजेत्या खेळाडू भारतातील असंख्य तरुणींना असा विश्वास बाळगण्यास प्रेरित करत आहेत की, त्यादेखील भारताची जर्सी परिधान करू शकतात आणि जागतिक स्तरावर यश मिळवू शकतात. हीच 'नारी शक्ती'ची खरी भावना आहे, असे उषा यांनी म्हटले आहे.

pt-usha commonwealth-games या आठ विजेत्या खेळाडूंनी एकत्रितपणे ग्लासगोमधील भारताच्या मोहिमेला नवी दिशा दिली आहे. भारतीय महिला आता केवळ अधूनमधून पदक जिंकण्याची आशा बाळगणारे खेळाडू राहिलेल्या नाहीत, तर त्या आंतरराष्ट्रीय स्तरावर सातत्याने यश मिळवणारे खेळाडू झाल्या आहेत, हे यातून सिद्ध झाले आहे. राष्ट्रपती द्रौपदी मुर्मू व पंतप्रधान नरेंद्र मोदी यांनी महिला खेळाडूंच्या कामगिरीचे कौतुक करून व तरुण मुलींना क्रीडा क्षेत्रातील उत्कृष्टतेचे ध्येय ठेवण्यासाठी प्रोत्साहित करून नेहमीच त्यांना पाठिंबा दिला आहे.