lokmanya-tilak-memorial-award ‘मायहोम इंडिया’ या संस्थेने लोकमान्य बाळ गंगाधर टिळक यांची पुण्यतिथी आणि लोकशाहीर अण्णाभाऊ साठे यांच्या जयंतीचे औचित्य साधत लोकशाहीर अण्णाभाऊ साठे आणि लोकमान्य बाळ गंगाधर टिळक स्मृती राष्ट्रीय पत्रकारिता पुरस्कार देण्याची घोषणा केली आहे. २०२६ चा पहिला पुरस्कार ‘तरुण भारत’चे नवी दिल्लीतील राजकीय संपादक श्यामकांत जहागीरदार यांना जाहीर झाला आहे. श्यामकांत जहागीरदार चार दशकांपासून ‘तरुण भारत’मध्ये कार्यरत असून, त्यांनी विविध जबाबदारीच्या संपादकीय पदांवर काम केले आहे.