राखीच्या सणासाठी रेल्वेचा मोठा निर्णय

major decision by railways रक्षाबंधनाच्या पार्श्वभूमीवर घरी जाणाऱ्या प्रवाशांना रेल्वेने मोठा दिलासा दिला आहे. सणाच्या काळात होणारी गर्दी लक्षात घेऊन जबलपूर आणि कोटा येथून हजरत निजामुद्दीनपर्यंत विशेष गाड्या चालवण्याचा निर्णय घेण्यात आला आहे. मध्य प्रदेश, राजस्थान, उत्तर प्रदेश आणि दिल्लीतील प्रवाशांना या विशेष सेवेमुळे अतिरिक्त प्रवासी पर्याय मिळणार आहेत.गाडी क्रमांक 01701 ही 29 ऑगस्ट 2026 रोजी जबलपूरहून रात्री 8:20 वाजता सुटेल आणि दुसऱ्या दिवशी दुपारी 2:25 वाजता हजरत निजामुद्दीनला पोहोचेल. या मार्गावर कटनी मुद्वारा, दमोह, सागर, वीरांगना लक्ष्मीबाई झाशी, ग्वाल्हेर, धौलपूर, आग्रा कॅन्ट, मथुरा आणि कोसी कलान या प्रमुख स्थानकांवर गाडीला थांबे असतील.

 

 

परतीच्या प्रवासात गाडी क्रमांक 01702 ही 30 ऑगस्ट रोजी हजरत निजामुद्दीनहून दुपारी 3:45 वाजता रवाना होईल आणि दुसऱ्या दिवशी सकाळी 9:30 वाजता जबलपूरला पोहोचेल. या विशेष गाडीत सेकंड एसी, थर्ड एसी, थर्ड एसी इकॉनॉमी, स्लीपर आणि जनरल श्रेणीचे डबे असतील.गाडी क्रमांक 09803 कोटा ते हजरत निजामुद्दीन दरम्यान धावणार आहे. ही गाडी 22, 24 आणि 26 ऑगस्ट 2026 रोजी रात्री 10:15 वाजता कोटाहून सुटेल आणि दुसऱ्या दिवशी सकाळी 7 वाजता हजरत निजामुद्दीनला पोहोचेल.या गाडीचा मार्ग इंदरगढ, सुमेरगंज मंडी, सवाई माधोपूर, गंगापूर सिटी, श्री महावीरजी, हिंडौन सिटी, बयाना, भरतपूर आणि मथुरा असा असेल.

 

 

परतीच्या प्रवासात गाडी क्रमांक 09804 ही 23, 25 आणि 27 ऑगस्ट रोजी सकाळी 9 वाजता हजरत निजामुद्दीनहून सुटून सायंकाळी 7:35 वाजता कोटाला पोहोचेल.या ट्रेनमध्ये फर्स्ट एसी, सेकंड एसी, थर्ड एसी, थर्ड एसी इकॉनॉमी, स्लीपर आणि जनरल श्रेणीचे डबे उपलब्ध असतील. रक्षाबंधनाच्या काळात प्रवाशांची वाढणारी संख्या लक्षात घेऊन या विशेष गाड्या सुरू करण्यात आल्या आहेत. विशेष गाड्यांच्या वेळापत्रकात बदल होण्याची शक्यता लक्षात घेता प्रवाशांनी प्रवास करण्यापूर्वी संबंधित गाडीचे थांबे आणि वेळा तपासाव्यात. यासाठी रेलमदत हेल्पलाइन 139, NTES ॲप किंवा रेल्वे चौकशी सेवेचा वापर करता येईल. त्यामुळे प्रवासापूर्वी अद्ययावत माहिती तपासूनच स्थानकावर पोहोचण्याचा सल्ला रेल्वेकडून देण्यात आला आहे.