भयानक...मेट्रोत अचानक वळवळू लागले साप video

Snake found in a metro in China चीनमधील नानजिंग शहराच्या मेट्रोतील एक व्हिडीओ सध्या सोशल मीडियावर वेगाने व्हायरल होत आहे. मेट्रोच्या डब्यात अचानक अनेक लांबट जीव जमिनीवर वळवळताना दिसल्याने प्रवाशांमध्ये काही काळ भीतीचे वातावरण निर्माण झाले. सुरुवातीला हे साप असल्याचे वाटत होते; मात्र प्रत्यक्षात या घटनेमागचे कारण समोर आल्यानंतर संपूर्ण प्रकार वेगळाच असल्याचे स्पष्ट झाले.व्हायरल झालेल्या व्हिडीओमध्ये मेट्रोच्या फरशीवर अनेक सापासारखे जीव वळवळताना दिसत आहेत. प्रवाशांनी सुरुवातीला हे साप असल्याचा अंदाज व्यक्त केला. मात्र, जवळून पाहिल्यानंतर ते साप नसून ईल मासे असल्याचे समोर आले.

 

 

 

 

मिळालेल्या माहितीनुसार, काही ईल बादल्यांमध्ये भरून मेट्रोतून नेले जात होते. प्रवासादरम्यान या बादल्या उलटल्याने त्यातील ईल बाहेर पडले आणि संपूर्ण डब्यात पसरले. त्यांचा लांबट आकार आणि सापासारखी हालचाल यामुळे प्रवाशांचा सुरुवातीचा गोंधळ उडाला.परिस्थिती लक्षात आल्यानंतर काही प्रवाशांनी पुढाकार घेत जमिनीवर पसरलेले ईल पुन्हा बादल्यांमध्ये जमा करण्यास सुरुवात केली. काही प्रवासी चक्क मेट्रोच्या जमिनीवर बसून हे जीव हाताने पकडताना व्हिडीओमध्ये दिसत आहेत. त्यामुळे सुरुवातीच्या घबराटीनंतर प्रवाशांनी परिस्थिती नियंत्रणात आणण्याचा प्रयत्न केला.

 

 

 

 

ईल हा लांबट, गुळगुळीत आणि लवचिक शरीराचा मासा आहे. त्याच्या शरीराची रचना आणि हालचाल सापासारखी असल्याने अनेकदा त्याला पाहून साप असल्याचा गैरसमज होऊ शकतो. हे मासे प्रामुख्याने पाणथळ जागा, भातशेती, तलाव आणि दलदलीच्या भागात आढळतात. आशियातील अनेक भागांमध्ये ईलचे व्यावसायिक पद्धतीने पालन केले जाते आणि त्याचा खाद्य म्हणूनही वापर केला जातो. त्यामुळे नानजिंग मेट्रोतील हा प्रकार सापांचा सुळसुळाट नसून, वाहतुकीदरम्यान बादल्या उलटल्यामुळे घडलेली अनपेक्षित घटना असल्याचे स्पष्ट झाले आहे. व्हिडीओ व्हायरल झाल्यानंतर सोशल मीडियावर या घटनेवर नेटकऱ्यांकडून विविध मजेशीर प्रतिक्रिया दिल्या जात आहेत.