नारायणन यांनी सांगितले की, पंतप्रधान नरेंद्र मोदी यांच्या नेतृत्वाखाली अनेक महत्त्वाचे अंतराळ कार्यक्रम प्रगतीपथावर आहेत. यामध्ये गगनयान मानवी अंतराळ मोहीम आणि स्वतःच्या अंतराळ स्थानकाची निर्मिती यांचा समावेश आहे. भारतीय अंतराळ स्थानक एकूण पाच मॉड्यूलसह विकसित करण्याची योजना आहे. पहिला मॉड्यूल २०२८ पर्यंत स्थापित करण्याचे लक्ष्य आहे, तर संपूर्ण स्टेशन २०३५ पर्यंत तयार करण्याची योजना आहे.

भारतीय अंतराळ स्थानक हे गगनयान कार्यक्रमातील पुढील महत्त्वाचे पाऊल आहे. हे स्थानक मानवाच्या दीर्घकालीन उपस्थितीसाठी जीवन-आधार प्रणालीसह अनेक प्रगत तंत्रज्ञानाचा वापर करेल. तेथे सूक्ष्म गुरुत्वाकर्षणात जीवन विज्ञान, वैद्यकशास्त्र, औषधनिर्माण, पदार्थ विज्ञान आणि उत्पादन या क्षेत्रांमध्ये संशोधन केले जाणार आहे.

खाजगी सहभागामुळे अंतराळ क्षेत्राला गती : शेखावत