१४५ वर्षांची मारबत आता थेट दिल्लीत!
नागपूरचा महोत्सव होणार ग्लोबल शिवानी दाणी-वखरे यांचा दिल्ली दौरा गाजला
Total Views |
नागपूर
marbat-tradition मारबत महोत्सवाला यंदा जागतिक दर्जाचा करण्याचा चंग महानगरपालिकेने बांधला आहे. यासाठी अर्थसंकल्पात विशेष निधीची तरतूदही करण्यात आली आहे आणि या मोहिमेची धुरा सांभाळत आहेत स्थायी समिती सभापती शिवानी दाणी-वखरे.
महोत्सवाचे निमंत्रण देण्यासाठी त्या थेट दिल्लीत दाखल झाल्या. हातात विशेष निमंत्रण बॉक्स होता. त्यांनी गुजरातचे उपमुख्यमंत्री हर्ष संघवी, महाराष्ट्राचे सांस्कृतिक मंत्री आशिष शेलार, माजी केंद्रीय मंत्री स्मृती इराणी आणि खासदार विनोद तावडे यांना स्वतः जाऊन नागपूरला या म्हणून आग्रहाचे निमंत्रण दिले.
यंदा महोत्सवात काय असणार भन्नाट?
महापौर नीता ठाकरे यांच्या मार्गदर्शनात यंदाचा मारबत महोत्सव एकदम हटके असणार आहे :
- सात दिवसांचा 'सावजी आणि बुनकर महोत्सव'- चौकाचौकांत इतिहास : शहरातील १०० चौकांत क्यूआर कोड आणि मोबाईलवर मारबतीची गोष्ट ऐका-पाहा!
- शहरभर देशभक्ती : मोठ्या एलईडी स्क्रीनवर देशभक्तिपर गीतांचे प्रसारण- पाहुण्यांचा सन्मान : बाहेरून येणाऱ्या पर्यटकांसाठी हॉटेल्सना विशेष ग्रेडिंग आणि प्रमाणपत्र
नागपूरची संस्कृती जगाला दाखवण्याचा महापालिकेचा मोठा प्लॅन आहे.