राजाभाऊ कोगजे यांच्या स्मृतिप्रीत्यर्थ संगीत समारोह

Late Pt. Rajabhau Kogje भारतीय शास्त्रीय संगीत क्षेत्रातील ज्येष्ठ कलाकार स्व. पं. राजाभाऊ कोगजे यांच्या शताब्दीपूर्तीनिमित्त चिटणवीस सेंटर, सप्तक आणि मैफिल नागपूर यांच्या संयुक्त विद्यमाने २६ व २७ ऑगस्ट रोजी दोन दिवसीय संगीत समारोहाचे आयोजन करण्यात आले आहे. हा समारोह चिटणवीस सेंटर येथे सायंकाळी ६ वाजता होणार आहे.

 

 

२६ ऑगस्ट रोजी कार्यक्रमाची सुरुवात डॉ. साधना शिलेदार यांच्या सत्काराने होईल. त्यांना ‘पं. विष्णू दिगंबर पलुस्कर संगीतरत्न पुरस्कार-२०२६’ मिळाल्याबद्दल गौरविण्यात येणार आहे. यानंतर पं. राजेंद्र भावे यांचे व्हायोलिन वादन तसेच बनारस घराण्याचे गायक राहुल व रोहित मिश्रा यांचे शास्त्रीय गायन होईल.२७ ऑगस्ट रोजी प्रो. सुजाता व्यास व पं. अनिरुद्ध देशपांडे यांचे शास्त्रीय गायन होईल. त्यानंतर स्व. पं. राजाभाऊ कोगजे यांच्या प्रत्यक्ष मैफिलीचे पुनर्प्रसारण करण्यात येणार आहे. तबला साथ वेद ढोक व निलेश खोडे, तर हार्मोनियम साथ संदीप गुरमुले व श्रीकांत पिसे करणार आहेत. कार्यक्रमासाठी प्रवेश विनामूल्य असून रसिकांनी मोठ्या संख्येने उपस्थित राहावे, असे आवाहन आयोजकांनी केले आहे.