जंतर-मंतरवरील लैंगिक छळाच्या चौकशीला प्राधान्य

sexual harassment at Jantar Mantar राजधानी दिल्लीच्या जंतर-मंतर येथून संसदेवर काढण्यात आलेल्या मोर्चावेळी महिला आंदोलकांचा झालेल्या छळाची आणि गैरवर्तनाची सर्वात आधी चौकशी करा, त्यानंतर लाठीमार आणि इतर तक्रारीचा मुद्दा हाताळावा, असा आदेश सरन्यायाधीश सूर्य कांत यांनी उच्चस्तरीय समितीला सुनावणीवेळी दिले आहे. महिला आंदोलकांचा छळ आणि त्यांच्या लैंगिक अत्याचाराच्या प्रकरणाला चौकशीवेळी प्राधान्य द्यावे आणि यासंदर्भातील अहवाल तत्काळ सादर करा असे निर्देश सरन्यायाधीशांनी दिले. विद्यार्थी आंदोलनादरम्यान झालेल्या पोलिस हिंसाचाराच्या आरोपांची चौकशी करण्यासाठी स्थापन करण्यात आलेल्या उच्चस्तरीय चौकशी समितीला महिला आंदोलनकर्त्यांवरील लैंगिक अत्याचाराच्या तक्रारी प्राधान्याने हाती घेण्याचे निर्देश माजी न्यायमूर्ती आर. सुभाष रेड्डी यांच्या अध्यक्षतेखालील पाच सदस्यीय समितीला सुनावणीवेळी देण्यात आले.