सत्ता, संघर्ष आणि अस्तित्वाच्या थराराची झलक

ghamasaana trailer वैशिष्ट्यपूर्ण कलात्मक आवाजांना पाठबळ देणे, धाडसी सर्जनशील निवडी करणे आणि प्रेक्षकांना केंद्रस्थानी ठेवून मनोरंजनाची निर्मिती करणे, या समान विश्वासातून झी ५, जिओ स्टुडिओज आणि गोल्डन रेशो फिल्म्स यांनी ‘घमासान’ हा चित्रपट प्रेक्षकांसमोर आणला आहे. प्रतीक गांधी, अर्शद वारसी आणि इशिता दत्ता यांच्या महत्त्वपूर्ण भूमिका असलेल्या या चित्रपटाची झलक आज प्रदर्शित करण्यात आली. हा चित्रपट ११ सप्टेंबर रोजी झी ५ या व्यासपीठावर प्रदर्शित होणार आहे.

 

 

‘घमासान’ची निर्मिती ज्योती देशपांडे (जिओ स्टुडिओज), पियूष सिंह, अभयानंद सिंह, सौरभ गुप्ता आणि अश्विनी चौधरी (गोल्डन रेशो फिल्म्स) तसेच मितेन शाह (येलस्टार फिल्म्स) यांनी केली आहे.

तिग्मांशू धुलिया यांच्या दिग्दर्शनाखाली साकारलेल्या ‘घमासान’च्या झलकेत सत्ता, पाठलाग आणि अस्तित्वाच्या संघर्षाने भरलेल्या खडतर जगाची पहिली झलक पाहायला मिळते. हिंदी पट्ट्याच्या पार्श्वभूमीवर आधारित या चित्रपटात तिग्मांशू धुलिया यांची वैशिष्ट्यपूर्ण कथाकथनशैली दिसून येते. नैतिकदृष्ट्या गुंतागुंतीच्या अशा जगात सत्ता आणि अस्तित्वासाठी सुरू असलेला संघर्ष हा या कथेचा केंद्रबिंदू आहे. या संघर्षात कोणतेही प्रश्न किंवा परिस्थिती सहजसोप्या उत्तरांपर्यंत पोहोचत नाहीत, हे चित्रपटाच्या मांडणीतून स्पष्ट होते.

प्रतीक गांधी, अर्शद वारसी आणि इशिता दत्ता यांच्या प्रमुख भूमिका असलेल्या या चित्रपटाने यापूर्वी मामी मुंबई चित्रपट महोत्सव, सिनेव्हेंचर आंतरराष्ट्रीय चित्रपट महोत्सव आणि शिकागो दक्षिण आशियाई चित्रपट महोत्सव यांसह नामांकित चित्रपट महोत्सवांमध्ये सहभाग नोंदवला आहे. त्यामुळे प्रदर्शनापूर्वीच ‘घमासान’ने चित्रपट महोत्सवांमध्ये आपली दखल निर्माण केली आहे. आता ११ सप्टेंबर रोजी हा चित्रपट झी ५ या व्यासपीठावर प्रदर्शित होणार आहे.