भारत ‘अ’ महिला संघांचे नेतृत्व यास्तिका, अनुष्काकडे
ऑस्ट्रेलिया ‘अ’ महिला संघाचा दौरा १२ सप्टेंबरपासून
Total Views |
नवी दिल्ली
australia-a-womens-tour बीसीसीआयच्या महिला निवड समितीने ऑस्ट्रेलिया अ संघाच्या आगामी भारत दौऱ्यासाठी संघांची घोषणा केली आहे. अनुष्का शर्मा तीन सामन्यांच्या टी-२० मालिकेत भारत ‘अ’ संघाचे नेतृत्व करेल, तर यास्तिका भाटिया एकदिवसीय व चार दिवसीय सामन्यांसाठी संघाचे नेतृत्व करेल. टी-२० मालिकेत सायली सतघरे अनुष्काची उपकर्णधार असेल, तर वन-डे व बहु-दिवसीय अशा दोन्ही प्रकारांत अनुष्का ही भाटियाची उपकर्णधार म्हणून काम पाहिल.
हा दौरा १२ सप्टेंबरपासून सुरू होईल व यात तीन टी-२० सामने, तीन एकदिवसीय सामने आणि एका चार-दिवसीय सामन्याचा समावेश असेल. टी-२० मालिका न्यू चंदीगडमध्ये, एकदिवसीय सामने मोहालीतील पीसीए स्टेडियमवर आणि बहु-दिवसीय सामना धर्मशाला येथे खेळविला जाईल. टी-२० सामने १२, १५ आणि १७ सप्टेंबर रोजी न्यू चंदीगडमध्ये खेळविले जातील. एकदिवसीय सामने २०, २३ आणि २५ सप्टेंबर रोजी मोहालीत होणार आहेत, तर चार-दिवसीय सामना २९ सप्टेंबर ते २ ऑक्टोबर या कालावधीत धर्मशाला येथे खेळविला जाईल.
टी-२० मालिकेसाठी भारत अ संघ: अनुष्का शर्मा (कर्णधार), सायली सतघरे (उपकर्णधार), वृंदा दिनेश, सुजाता डे, तेजल हसबनीस, निक्की प्रसाद, शिप्रा गिरी (यष्टीरक्षक), श्वेता सहरावत, उमा चेत्री (यष्टीरक्षक), तनुजा कंवर, मिनू मणी, वैष्णवी शर्मा, जिंतीमणी कलिता, शबनम शकील, सिमरन दिल बहादूर.
एकदिवसीय सामन्यांसाठी भारत अ संघ: यस्तिका भाटिया (कर्णधार/यष्टीरक्षक), अनुष्का शर्मा (उपकर्णधार), वृंदा दिनेश, प्रिया पुनिया, तनिषा सिंग, तेजल हसबनीस, निक्की प्रसाद, उमा चेत्री (यष्टीरक्षक), मिनू मणी, अमनदीप कौर, वैष्णवी शर्मा, सायली सतघरे, जिंतीमणी कलिता, शबनम शकील, अक्षिता भगत.
चार-दिवसीय सामन्यासाठी भारत अ संघ: यस्तिका भाटिया (कर्णधार, यष्टीरक्षक), अनुष्का शर्मा (उपकर्णधार), शुभा सतीश, प्रिया पुनिया, तनिषा सिंग, तेजल हसबनीस, निक्की प्रसाद, ममता माडीवाला (यष्टीरक्षक), सुश्री दिब्यदर्शिनी, शुची उपाध्याय, वैष्णवी शर्मा, वैष्णवी शर्मा, शुचि उपाध्याय, शानमणी शर्मा शकील, अक्षिता भगत.ऑस्ट्रेलिया महिला अ संघाचा भारत दौरा: पहिला टी-२० सामना १२ सप्टेंबर, दुसरा टी-२० सामना १५ सप्टेंबर, तिसरा टी-२० सामना १७ सप्टेंबर रोजी न्यू चंदीगड येथे सामने होणार आहेत.
पहिला वन-डे सामना २० सप्टेंबर, दुसरा वन-डे २३ सप्टेंबर, तिसरा वन-डे २५ सप्टेंबर रोजी मोहाली येथे होणार आहे. चार दिवसीय सामना २९ सप्टेंबर ते २ ऑक्टोबर दरम्यान धर्मशाळा येथे होणार आहे.