शाळेबाहेर गेली अन्...

she stepped out of the school and ओडिशातील नबरंगपूर जिल्ह्यात नववीत शिकणाऱ्या अल्पवयीन विद्यार्थिनीवर बलात्कार झाल्याचा गंभीर प्रकार समोर आला आहे. तेंतुलियाखुंटी पोलीस ठाण्याच्या हद्दीतील एका हायस्कूलमध्ये २१ ऑगस्ट रोजी ही घटना घडल्याचा आरोप आहे. विद्यार्थिनीच्या कुटुंबीयांसह शाळा प्रशासनाकडून तक्रार मिळाल्यानंतर पोलिसांनी बलात्कार आणि पॉक्सो कायद्यांतर्गत गुन्हा दाखल करून तपास सुरू केला आहे. या प्रकरणात गुन्हा क्रमांक २०२/२६ नोंदवण्यात आला आहे.

 

 

मिळालेल्या माहितीनुसार, माध्यान्ह भोजनानंतर सहाव्या तासाच्या वेळी विद्यार्थिनी लघुशंकेसाठी शाळेच्या आवाराबाहेर गेली होती. त्यावेळी एका व्यक्तीने तिचे तोंड दाबून तिला धमकावले आणि तिच्यावर लैंगिक अत्याचार केल्याचा आरोप करण्यात आला आहे. पीडितेने घडलेल्या प्रकाराची माहिती देताना आरोपीने तिच्या गळ्याला चाकू लावून धमकी दिल्याचेही सांगितले आहे. या घटनेबाबत कोणाला सांगितल्यास पुन्हा अत्याचार करून जीवे मारण्याची धमकी देण्यात आल्याचा आरोप कुटुंबीयांनी केला आहे.

 

घटनेनंतर घाबरलेल्या अवस्थेत विद्यार्थिनी शाळेत परतली आणि तिने एका शिक्षकाला संपूर्ण प्रकार सांगितला. त्यानंतर शाळेच्या अधिकाऱ्यांनी तिला मदत केली, तसेच तिचे कपडे बदलण्यात आले. पुढे कुटुंबीयांना घटनेची माहिती देण्यात आली. कुटुंबीयांनी पोलिसांत तक्रार केल्यानंतर शाळा प्रशासन आणि शाळा व्यवस्थापन समितीनेही पोलिसांशी संपर्क साधत प्रकरणाची निष्पक्ष चौकशी करून दोषींवर कठोर कारवाई करण्याची मागणी केली.

 

या प्रकरणाच्या तपासाबाबत एसडीपीओ कृष्णचंद्र भत्रा यांनी सांगितले की, कुटुंबीय आणि शाळेकडून तक्रार मिळाल्यानंतर बलात्कार आणि पॉक्सो कायद्यांतर्गत गुन्हा क्रमांक २०२/२६ दाखल करण्यात आला आहे. तपासाचा भाग म्हणून शाळेतील तसेच परिसरातील सीसीटीव्ही फुटेज तपासले जात आहे. त्याचबरोबर कॉल डिटेल रेकॉर्ड आणि मोबाईल फोनचे लोकेशनही तपासले जात आहे. तपासात दोषी आढळणाऱ्या व्यक्तीवर कायद्यानुसार कारवाई केली जाईल, असे पोलिसांनी स्पष्ट केले. आरोपीची ओळख पटवून त्याला अटक करण्यासाठी पोलीस विविध बाजूंनी तपास करत आहेत.

 

दरम्यान, उत्तर प्रदेशातील गाझियाबादमध्येही यापूर्वी अल्पवयीन मुलीवरील अत्याचाराचे प्रकरण समोर आले होते. दोन अल्पवयीन मुलांसह एका १८ वर्षीय तरुणाने १३ वर्षीय मुलीचे अपहरण करून तिच्यावर सामूहिक बलात्कार केल्याचा आरोप त्या प्रकरणात करण्यात आला होता.