आर. डी. बर्मन यांच्या बायोपिकमध्ये अक्षय कुमारची एंट्री?

burmans biopic दिग्गज संगीतकार आर. डी. बर्मन यांच्या आयुष्यावर आधारित बायोपिकची चर्चा गेल्या काही महिन्यांपासून रंगली आहे. या चित्रपटाबाबत एक महत्त्वाची माहिती समोर आली आहे, अभिनेता अक्षय कुमारही या चित्रपटाचा भाग होणार असल्याची चर्चा सुरू झाली आहे. त्यामुळे या बहुचर्चित चित्रपटाबद्दल चाहत्यांची उत्सुकता आणखी वाढली आहे.

 

 

 

 

दिग्दर्शक नीरज पांडे आर. डी. बर्मन यांच्या संघर्षमय आणि यशस्वी संगीत प्रवासावर आधारित चित्रपटाची निर्मिती करत आहेत. या चित्रपटात पंचम दांची प्रमुख भूमिका अभिनेता फरहान अख्तर साकारणार असल्याचे यापूर्वीच निश्चित झाले आहे. आता या चित्रपटात आणखी एका मोठ्या अभिनेत्याची भर पडणार असल्याची माहिती समोर आली आहे.

माध्यमांमध्ये प्रसिद्ध झालेल्या वृत्तांनुसार, नीरज पांडे यांनी या चित्रपटासाठी अक्षय कुमारशी संपर्क साधला असून, त्यानेही या प्रस्तावाला सकारात्मक प्रतिसाद दिला आहे. चित्रपटात अक्षय कुमार एका विशेष पाहुण्या भूमिकेत दिसण्याची शक्यता व्यक्त केली जात आहे. मात्र, त्याची भूमिका नेमकी कोणती असेल, याबाबत निर्मात्यांनी अद्याप कोणताही अधिकृत खुलासा केलेला नाही.

नीरज पांडे आणि अक्षय कुमार यांची जोडी यापूर्वी 'स्पेशल २६' आणि 'बेबी'सारख्या गाजलेल्या चित्रपटांतून प्रेक्षकांच्या भेटीला आली होती. त्यामुळे पुन्हा एकदा हे दोघे एकत्र काम करत असल्याची चर्चा चाहत्यांमध्ये रंगू लागली आहे.

दरम्यान, अक्षय कुमारच्या आगामी चित्रपटांचीही चाहत्यांना उत्सुकता आहे.burmans biopic 'भूत बंगला' आणि 'वेलकम टू द जंगल'नंतर तो आता 'हैवान' या चित्रपटातून प्रेक्षकांसमोर येणार असून, हा चित्रपट ११ सप्टेंबर २०२६ रोजी प्रदर्शित होणार आहे. मात्र, आर. डी. बर्मन यांच्या बायोपिकमधील कलाकारांविषयीची अधिकृत घोषणा होण्याची चाहत्यांना प्रतीक्षा लागून राहिली आहे.