गोरेवाडा आंतरराष्ट्रीय प्राणिसंग्रहालय आणि रेस्क्यू सेंटरच्या विकासाबाबत फडणवीस यांनी सांगितले की, गेल्या २५ वर्षांपासून या प्रकल्पाच्या विकासासाठी सातत्याने प्रयत्न सुरू आहेत. प्रथम रेस्क्यू सेंटर, त्यानंतर इंडियन सफारी सुरू करण्यात आली असून पुढील वर्षी आफ्रिकन सफारी सुरू करण्याचे नियोजन केले जात आहे. या सफारीत बिग फाईव्ह म्हणून ओळखले जाणारे प्राणी आणण्यात येणार आहेत. हे रेस्क्यू सेंटर देशातील सर्वोत्तम केंद्रांपैकी एक झाले असून पशुवैद्यकीय डॉक्टरांना वन्य प्राण्यांवरील उपचार आणि प्रशिक्षणाचा प्रत्यक्ष अनुभव येथे मिळतो. देशभरातील विविध प्राणिसंग्रहालयांसाठी प्रशिक्षणाची व्यवस्थाही येथे करण्यात आली आहे. वन्य पर्यटनासोबतच वन्यजीव संवर्धनाचे कामही सुरू असल्याचे त्यांनी सांगितले.

गोरेवाडा प्रकल्पातील विविध कामांची माहिती घेताना मुख्यमंत्री फडणवीस यांनी संबंधित अधिकाऱ्यांशी चर्चा केली. गोरेवाडा येथील वन्यजीव संशोधन व प्रशिक्षण केंद्रातील वसंतराव नाईक प्रशासकीय इमारतीत आढावा बैठक घेण्यात आली. यावेळी बैठकीला वनमंत्री गणेश नाईक, खासदार माया इनवाते, वनविभागाचे अपर मुख्य सचिव मिलिंद म्हैसकर, प्रधान मुख्य वन संरक्षक (वनबल प्रमुख) एम. श्रीनिवास राव, विभागीय आयुक्त विजयलक्ष्मी बिदरी, पोलिस अधीक्षक ग्रामीण हर्ष पोद्दार, वाईल्डलाईफ रेस्क्यू व ट्रेनिंग सेंटरचे संचालक शिरीष उपाध्ये, अपर जिल्हाधिकारी प्रवीण महिरे, विभागीय व्यवस्थापक तथा प्राणिसंग्रहालय संचालक पांडुरंग पाखले यांच्यासह वनविभागाचे वरिष्ठ अधिकारी उपस्थित होते.

वनविभागाचे अपर मुख्य सचिव मिलिंद म्हैसकर यांनी गोरेवाडा प्रकल्पाची आतापर्यंतची वाटचाल, प्रकल्पाची सद्यस्थिती आणि सुरू असलेल्या विविध कामांची माहिती सादरीकरणाद्वारे दिली. सादरीकरणात देण्यात आलेल्या माहितीनुसार, गोरेवाडा प्रकल्पाचा पहिला टप्पा २०२१ मध्ये पूर्ण करण्यात आला आहे. या टप्प्यात वाईल्डलाईफ रेस्क्यू सेंटर, इंडियन सफारी आणि एंट्रन्स प्लाझा यांचा समावेश आहे.

प्रकल्पाच्या तिसऱ्या टप्प्यात ट्रेल ऑफ सेन्सेस, बायोपार्क, नाईट झू, गोंडवाना पार्क, बायो डिस्कव्हरी प्लाझा आणि ट्रायबल ट्रेल यांचा समावेश असल्याची माहिती सादरीकरणात देण्यात आली. या विविध सुविधांच्या माध्यमातून गोरेवाडा प्रकल्पाचा वन्यजीव पर्यटनासोबतच जैवविविधता, निसर्ग आणि स्थानिक संस्कृतीचा अनुभव देणारे महत्त्वाचे पर्यटनस्थळ म्हणून विकास करण्याची संकल्पना मांडण्यात आली.

प्राणी उद्यानाची मुख्यमंत्र्यांकडून पाहणी

नागपूरजवळील प्राणिसंग्रहालय आणि रेस्क्यू सेंटरच्या विकासाबाबत फडणवीस यांनी सांगितले की, गेल्या २५ वर्षांपासून या प्रकल्पाच्या विकासासाठी सातत्याने प्रयत्न सुरू आहेत. प्रथम रेस्क्यू सेंटर, त्यानंतर इंडियन सफारी सुरू करण्यात आली असून पुढील वर्षी आफ्रिकन सफारी सुरू करण्याचे नियोजन आहे. या सफारीत बिग फाईव्ह म्हणून ओळखले जाणारे प्राणी आणण्यात येणार आहेत. हे रेस्क्यू सेंटर देशातील सर्वोत्तम केंद्रांपैकी एक झाले असून पशुवैद्यकीय डॉक्टरांना वन्य प्राण्यांवरील उपचार आणि प्रशिक्षणाचा प्रत्यक्ष अनुभव येथे मिळतो. देशभरातील विविध प्राणिसंग्रहालयांसाठी प्रशिक्षणाची व्यवस्थाही येथे करण्यात आली आहे. वन्य पर्यटनासोबतच वन्यजीव संवर्धनाचे कामही सुरू असल्याचे त्यांनी सांगितले.