१२ ऑगस्टच्या सूर्यग्रहणाचा ३ राशींवर प्रभाव?

solar eclipse on 3 zodiac signs वैदिक पंचांगानुसार २०२६ मधील शेवटचे सूर्यग्रहण १२ ऑगस्ट रोजी होणार असून, ज्योतिषशास्त्रात या घटनेला विशेष महत्त्व दिले जाते. सूर्य हा आत्मविश्वास, नेतृत्व, प्रतिष्ठा, शासन, वडील आणि जीवनशक्तीचा कारक ग्रह मानला जात असल्याने सूर्यग्रहणाचा काही राशींवर मानसिक, व्यावसायिक आणि आर्थिक स्तरावर परिणाम होऊ शकतो, अशी ज्योतिषांची धारणा आहे. विशेषतः कर्क, धनु आणि मीन राशीच्या व्यक्तींनी या काळात अधिक सावध राहण्याचा सल्ला दिला जात आहे. ज्योतिषशास्त्रानुसार हे वर्षातील दुसरे आणि शेवटचे सूर्यग्रहण १२ ऑगस्ट रोजी रात्री ९.०४ वाजता सुरू होऊन १३ ऑगस्ट रोजी पहाटे ४.२५ वाजेपर्यंत राहण्याचा अंदाज आहे. हे ग्रहण भारतातून दिसणार नसल्यामुळे येथे सूतक काळ किंवा धार्मिक नियम लागू होणार नाहीत. मात्र, ग्रहण कर्क राशीत होत असल्याने त्याचा काही राशींवर ज्योतिषीय प्रभाव जाणवू शकतो, असे मानले जाते.