knowledge-technology-convergence-centre भारताची प्राचीन ज्ञानपरंपरा आणि आधुनिक विज्ञान-तंत्रज्ञानाची अनोखी सांगड घालणारा देशातील अग्रगण्य शैक्षणिक प्रकल्प आता नाशिकमध्ये उभारला जाणार आहे. केंद्रीय संस्कृत विद्यापीठाच्या प्रस्तावित नाशिक परिसरासाठी आरक्षित सुमारे ४१.५१ एकर जमिनीचा ७/१२ उतारा मुख्यमंत्री देवेंद्र फडणवीस यांच्या हस्ते विद्यापीठाच्या प्रतिनिधींना अधिकृतपणे सुपूर्द करण्यात आला आहे.

 

knowledge-technology-convergence-centre  या आधुनिक कॅम्पसमध्ये तब्बल १,५०० विद्यार्थ्यांना शिक्षणाची संधी मिळणार आहे. पारंपरिक संस्कृती आणि अत्याधुनिक तंत्रज्ञानाचा हा संगम देशाच्या शैक्षणिक विकासातील एक ऐतिहासिक मैलाचा दगड ठरणार आहे. जमीन हस्तांतरण कार्यक्रमास कुलसचिव प्रा. आर. जी. मुरलीकृष्ण, मुख्य कार्यकारी अधिकारी मंगेश इंदापवार, विभागीय आयुक्त डॉ. प्रवीण गेडाम आणि जिल्हाधिकारी आयुष प्रसाद उपस्थित होते.