इस्रोच्या अंदाजानुसार, २०२६ च्या मान्सूनोत्तर हंगामात उत्तर हिंद महासागरात तीन चक्रीवादळे तयार होऊ शकतात. पीडीआय (उच्च वेग तीव्रता निर्देशांक) वादळाच्या वाऱ्याचा वेग आणि त्याचा कालावधी यांसारख्या घटकांच्या आधारावर चक्रीवादळाची शक्यता वर्तवण्यात आली. यासाठी जवळपास ४० वर्षांच्या हवामान आणि सागरी माहितीचे विश्लेषण करण्यात आले. अधिक चक्रीवादळे निर्माण होण्यास कारणीभूत ठरू शकणाऱ्या परिस्थिती आणि त्यांची तीव्रता समजून घेण्यासाठी या माहितीचा वापर करण्यात आला. डिसेंबरपर्यंत ही चक्रीवादळे येणार असून, पश्चिम बंगाल, ओडिशा राज्यात मोठी आपत्ती येणार असल्याचे इस्रोने म्हटले आहे.

 

ऑक्टोबर ते डिसेंबर २०२६ दरम्यान उत्तर हिंद महासागरात तीन उष्णकटिबंधीय चक्रीवादळे तयार होऊ शकतात. इस्रोच्या मते, या वादळांची एकूण शक्ती मागील ४४ वादळांच्या शक्तीपेक्षा सुमारे ८३ टक्के जास्त आहे. याचा अर्थ असा की, या मान्सूनोत्तर हंगामात चक्रीवादळांची क्रियाशीलता अधिक असू शकते.