भूताटकीच्या नादात घडले आझमगढ हत्याकांड!

Azamgarh Massacre उत्तर प्रदेशमआझमगढ़धील आझमगड जिल्ह्यातील अहरौला पोलीस ठाण्याच्या हद्दीतील शंभूपुर गावात एक अत्यंत हृदयद्रावक घटना समोर आली आहे. घरगुती कलह आणि कथित अंधविश्वासामुळे एकाच कुटुंबातील सर्वकाही उद्ध्वस्त झाले आहे. पत्नी आणि दोन पुजाऱ्यांवर गोळ्या झाडून हत्या करणारा तसेच आपल्या तीन मुलांना ओलीस ठेवणारा आरोपी अरविंद सिंग अखेर पोलीस चकमकीत मारला गेला. मंगळवारी (२२ सप्टेंबर) रात्री उशिरा, पळून जाण्याचा प्रयत्न करत असताना त्याने पोलिसांवर गोळीबार केला, ज्याला प्रत्युत्तर देताना तो पोलिसांच्या गोळीचा बळी ठरला. पोलीस चकमकीत मारला जाण्यापूर्वी त्याने आपल्या ६ वर्षांच्या मुलालाही गोळ्या घालून ठार केले होते. परंतु, सर्वात मोठा प्रश्न हा निर्माण होतो की, असे नेमके काय घडले ज्याने अरविंदला आपल्याच कुटुंबातील पूजा करण्यासाठी आलेल्या पुजाऱ्यांवर, पत्नीवर आणि स्वतःच्या मुलावर गोळ्या झाडण्यास प्रवृत्त केले?

 

 

 

 

 

या संपूर्ण प्रकरणाच्या खोलात शिरल्यास असे दिसून येते की, या घटनेची मूळ पार्श्वभूमी २०१७ मध्येच तयार झाली होती. जेव्हा त्याच्याच कुटुंबातील काही सदस्यांनी त्याच्या पत्नीवर बलात्कार केला, त्याच्या भावाची हत्या केली आणि त्याला अनेक महिने ओलीस ठेवले होते, मात्र न्यायाच्या नावाखाली त्याला केवळ चोहोबाजूने निराशाच पत्करावी लागली. अरविंदच्या आईच्या म्हणण्यानुसार, या सर्व घटनांमुळे अरविंद तीव्र मानसिक नैराश्यात (डिप्रेशन) गेला होता.ही खळबळजनक घटना मंगळवारी संध्याकाळी उघडकीस आली, जिथे एका कुटुंबात गेल्या चार दिवसांपासून कथित पूजा-पाठ आणि झाडफूक सुरू होती. यादरम्यान गोळी लागल्याने तीन जणांचा मृत्यू झाला. हा गोळीबार अन्य कोणी नव्हे तर घराचा मालक अरविंद सिंग यानेच केला होता. मृतांमध्ये अरविंदची पत्नी बबिता आणि दोन पुजारी महेंद्र पाठक व अखिलेश मिश्रा यांचा समावेश आहे. अरविंदला तीन मुले देखील आहेत, ज्यामध्ये दोन मुली (११ वर्षांची परी आणि ११ महिन्यांची शानवी) आणि एक १० वर्षांचा मुलगा आहे.

 

 

जेव्हा या घटनेची माहिती पोलिसांना मिळाली, तेव्हा अरविंदने आपल्या तीन मुलांना एका खोलीत ओलीस ठेवून स्वतःला आतमध्ये कोंडून घेतले. पोलिसांपासून वाचण्यासाठी त्याने स्वतःच्या मुलावरच गोळी झाडली, ज्याचा उपचारादरम्यान मृत्यू झाला. यानंतर पोलीस चकमकीत अरविंदचाही अंत झाला. आता घरात फक्त दोन मुली आणि अरविंदची आई उरल्या आहेत, ज्यांच्यावर दुःखाचा मोठा डोंगर कोसळला आहे.अरविंदची आई शामला देवी यांनी सांगितले की, २०१७ पासून त्यांचे कुटुंब एकामागून एक संकटांचा कसा सामना करत होते. त्यांच्या म्हणण्यानुसार, २०१७ मध्ये अरविंदची पत्नी बबिता हिच्यावर बलात्काराची घटना घडली होती. या प्रकरणी कुटुंबातीलच मनीष सिंग आणि अवनीश सिंग यांच्याविरुद्ध गुन्हा दाखल करण्यात आला होता आणि ते तुरुंगातही गेले होते, परंतु काही काळानंतरच ते बाहेर आले. कुटुंबाने न्यायासाठी खूप धावा केला, पण काहीच हाती लागले नाही. यानंतर अरविंदच्या अपहरणाची बाबही समोर आली, जिथे कुटुंबीयांच्या सांगण्यानुसार त्याला अनेक महिने झारखंडमध्ये डांबून ठेवण्यात आले होते. या सर्व प्रकरणांमुळे कुटुंब आणि इतरांमध्ये सतत वाद सुरू होता.

 

अरविंदच्या आईच्या मते, वर्ष २०१८ मध्ये अरविंदचा भाऊ सुनील सिंह उर्फ गुड्डू याची हत्या करण्यात आली. ही घटना एका उत्सवा दरम्यान काली माईच्या स्थानावर घडल्याचे सांगितले जाते. या प्रकरणात प्रमोद आणि विनोद या नावांची नावे समोर आली होती, जे नंतर काही दिवसांसाठी तुरुंगातही गेले होते. कुटुंबीयांच्या म्हणण्यानुसार, गुड्डूने एक पोल्ट्री फार्म सुरू केला होता आणि तो पुण्यात परवानाधारक रिव्हॉल्व्हरसह सुरक्षेचे काम करत होता. कुटुंबाच्या मते, त्याची झालेली प्रगती काही लोकांच्या डोळ्यात खुपत होती.आधी पत्नीवर झालेला बलात्कार, त्यानंतर स्वतःचे अपहरण आणि नंतर सख्ख्या भावाच्या हत्येमुळे अरविंद हळूहळू मानसिक नैराश्यात जाऊ लागला. आईच्या सांगण्यानुसार, अरविंद २०१९ पासून मानसिक त्रासाने ग्रासला होता. याच काळात कुठल्यातरी पुजाऱ्याने कुटुंबाला सांगितले की अरविंदवर 'प्रेतबाधा' झाली असून त्याच्या मोठ्या भावाचा (गुड्डूचा) आत्मा त्याला त्रास देत आहे. या अंधश्रद्धेपोटी गेल्या चार दिवसांपासून घरात सातत्याने पूजा-पाठ सुरू होते.