उपमुख्यमंत्री एकनाथ शिंदे शेतकर्यांच्या बांधावर
शेतकर्यांना दिली मदतीची हमी , जिल्ह्यातील कोलारी, खडकी खामखेड, रोहिणखेड, टाकळी येथे केली पाहणी
Total Views |
बुलढाणा
eknath-shinde पावसात पडलेला खंड प्रतिकूल हवामानामुळे बुलढाणा जिल्ह्यातील पिकांचे मोठ्या प्रमाणात नुकसान झाले आहे. अशा परिस्थितीत बळीराजाच्या पाठीशी सरकार खंबीरपणे उभे असल्याची ग्वाही देण्यासाठी उपमुख्यमंत्री एकनाथ शिंदे दि. २३ सप्टेंबर रोजी थेट शेतकर्यांच्या बांधावर आले. शेतकर्यांना वार्यावर सोडणार नाही, असा दिलासा देतानाच उपमुख्यमंत्री शिंदे यांनी जिल्ह्यातील खामगाव तालुयातील कोलारी आणि मोताळा तालुयातील खडकी खामखेड, रोहिणखेड व टाकळी येथे भेट देऊन पाहणी केली बळीराजाला धीर दिला.
उपमुख्यमंत्र्यांनी शेतकर्यांशी संवाद साधत त्यांच्या अडचणी, पीकाचे नुकसान याविषयी माहिती घेतली. यावेळी शेतकर्यांनी सोयाबीनसह विविध पिकांचे मोठ्या प्रमाणात नुकसान झाल्याचे उपमुख्यमंत्र्यांच्या निदर्शनास आणून दिले. काही शेतांमध्ये १०० टक्के नुकसान झाले असून शेंगांमध्ये दाणे भरले नसल्याची व्यथा शेतकर्यांनी मांडली. पीक नुकसानीचे पंचनामे करण्याचे आदेश प्रशासकीय यंत्रणेला देण्यात आले असून पंचनाम्यांची कार्यवाही वेगाने पूर्ण करण्यात येत आहे. मुख्यमंत्री देवेंद्र फडणवीस यांच्यासह मंत्रिमंडळातील सहकारी शेतकर्यांच्या बांधावर जाऊन परिस्थितीची पाहणी करत आहेत. शेतकर्यांची पीक विमा व शासकीय मदतीची मागणी विचारात घेऊन दुष्काळसदृश परिस्थितीच्या पार्श्वभूमीवर योग्य ती मदत देण्याबाबत शासन सकारात्मक असल्याचे त्यांनी सांगितले. केंद्र शासनाच्या ‘प्रधानमंत्री किसान सन्मान निधी’सह राज्य शासनाच्या विविध योजनांच्या माध्यमातून शेतकर्यांना मदत दिली जात आहे. सद्यस्थितीतही केंद्र शासनाकडून राज्याला आवश्यक ती भरीव मदत मिळवून घेण्यासाठी प्रयत्न करण्यात येतील, असे उपमुख्यमंत्री शिंदे यांनी सांगितले.
संकटाच्या काळात बळीराजाने टोकाचे पाऊल उचलू नये. अडचणी सोडविण्यासाठी आवश्यक ती कार्यवाही केली जाईल, असे आवाहन उपमुख्यमंत्र्यांनी केले. एका शेतकर्याने आपल्या मुलाच्या शिक्षणाबाबतची अडचण मांडल्यानंतर त्यांना आवश्यक ती मदत करण्याचे आश्वासनही त्यांनी दिले. यावेळी मृद व जलसंधारण मंत्री संजय राठोड, कामगार मंत्री आकाश फुंडकर, कृषी, मदत व पुनर्वसन राज्यमंत्री अॅड. आशिष जयस्वाल, आ. संजय गायकवाड, स्थानिक लोकप्रतिनिधी, प्रशासकीय अधिकारी तसेच परिसरातील शेतकरी उपस्थित होते.