जिल्ह्यातील दुष्काळावर मुख्यमंत्र्यांसोबत चर्चा

 

पावसाने दडी मारल्यामुळे अनेक भागांत पिकांची वाढ खुंटली असून पिकांचे मोठ्या प्रमाणात नुकसान झाले आहे. परिणामी शेतकऱ्यांसमोर गंभीर आर्थिक संकट उभे राहिले आहे. या परिस्थितीची वस्तुस्थिती मुख्यमंत्र्यांच्या निदर्शनास आणून दिल्याचे आ. अडसड यांनी सांगितले. जिल्ह्यातील परिस्थितीचा तातडीने आढावा घेऊन पिकांच्या नुकसानीचे पंचनामे करण्यात यावेत, तसेच संकटग्रस्त शेतकऱ्यांना शासनाकडून योग्य आर्थिक मदत व आवश्यक दिलासा मिळावा, अशी आग्रही मागणी यावेळी त्यांनी केली.