समुद्रपूर तालुक्यातील सरपंच पदाच्या आरक्षणाची सोडत

यावेळी तालुक्यातील ग्रामपंचायत पदाधिकारी, विविध राजकीय पक्षांचे कार्यकर्ते यांची उपस्थिती होती. अधिसूचनेव्दारे अनुसूचित जाती व अनुसूचित जमाती प्रवर्गाच्या आरक्षणामध्ये कोणताही बदल नाही. १३ जून २०२५ च्या अधिसूचनेनुसार निश्चित केलेल्या केवळ नागरिकांचा मागास प्रवर्ग व खुला प्रवर्ग यांच्या आरक्षणामध्ये बदल होत असल्यामुळे या शुद्धीपत्रकान्वये नागरिकांचा मागास प्रवर्ग व खुला प्रवर्ग यांचे सुधारित आरक्षण निश्चित करण्यात येत आहे. यानुसार पिपरी, वायगाव (गोंड), तास, फरीदपूर याठिकाणी अनुसूचित जाती तर परडा, सुजातपूर, कुर्ला, बोथुडा, चाकुर अनुसुचित जाती (महिला) करिता राखीव, शेडगाव, कानकाटी, मनगाव, वडगाव, नारायणपूर, दसोडा अनुसूचित जमाती, तर पिंपळगाव, वायगाव (ह.), डोंगरगाव, उमरा, मंगरुळ, कोरा याठिकाणी अनुसूचित जमाती (महिला) करिता राखीव जागा निघाल्या आहेत.