५२ प्रकरणांत ठोठावला १७.९९ कोटींचा दंड

 

 

जिल्ह्यातील विविध भागांत गौण खनिजांचे अवैध उत्खनन तसेच विनापरवाना वाहतूक होत असल्याच्या पृष्ठभूमीवर महसूल प्रशासनाकडून तपासणी आणि कारवाईची मोहीम राबविण्यात आली. या मोहिमेत अवैधरित्या खनिज वाहतूक करणारी ४९ वाहने जप्त करण्यात आली. कारवाई करण्यात आलेल्या ५२ प्रकरणांमध्ये सर्वाधिक ४० प्रकरणे वाळूच्या अवैध उत्खनन व वाहतुकीशी संबंधित आहे. त्यापाठोपाठ मुरूमच्या अवैध उत्खनन व वाहतुकीची ११ प्रकरणे नोंदविण्यात आली आहे.

 

दगडाच्या अवैध उत्खननाचे एक प्रकरण असून या प्रकरणांमध्ये दंडाची मोठी रक्कम निश्चित करण्यात आली असली तरी प्रत्यक्षात ६७ लाख ९१ हजार रुपयांचा दंड वसूल झाला आहे. उर्वरित दंडाची वसुली करण्याचे आव्हान प्रशासनासमोर आहे.