‘लूनर फाऊंडेशन मॉडेल’ असे या मॉडेलचे नाव असून चंद्राविषयी मागील अनेक दशकांत जमा झालेल्या मोठ्या प्रमाणातील माहितीचे विश्लेषण करण्याची त्याची क्षमता आहे. चंद्राभोवती फिरणाऱ्या विविध अंतराळ यानांनी घेतलेली छायाचित्रे, तापमानाची माहिती, पृष्ठभागाचा परावर्तित प्रकाश आणि इतर निरीक्षणांचा मोठा साठा वैज्ञानिकांकडे आहे. ही माहिती एकत्र करून तिचे विश्लेषण करणे वेळखाऊ काम आहे. नव्या ‘एआय मॉडेल’मुळे ही प्रक्रिया अधिक वेगाने करता येण्याची अपेक्षा आहे. चंद्राच्या पृष्ठभागावरील वेगवेगळे भाग अधिक स्पष्टपणे ओळखणे, तेथील खडक आणि मातीची वैशिष्ट्ये समजून घेणे तसेच तापमानातील बदलांचा अभ्यास करणे यासाठी या मॉडेलचा उपयोग होऊ शकतो. विशेषतः चंद्राच्या दक्षिण ध्रुवावरील कायम सावलीत असलेल्या भागांमध्ये पाण्याच्या बर्फाची शक्यता आहे. अशा ठिकाणांची माहिती अधिक अचूकपणे मिळविण्यासाठीही एआयची मदत होऊ शकते.

एआयला जुन्या माहितीचा आधार