अनेक प्रमुख प्रॉडक्शन हाऊस आणि चित्रपट कलाकारांचे घर आणि कार्यालयात जाऊन चौकशी करण्यात आली. चित्रपटांच्या नावाखाली परदेशात पैसे हस्तांतरित केल्याच्या आरोपांची आयकर विभाग चौकशी करत आहे. कर चुकवेगिरी आणि आर्थिक अनियमिततेच्या संशयावरूनही ही कारवाई करण्यात आल्याची माहिती एका अधिकाऱ्याने दिली. या कारवाईमुळे बॉलिवूडमध्ये खळबळ उडाली आहे. चित्रपट चित्रीकरण, परदेशी वितरण आणि निर्मितीच्या नावाखाली मोठ्या प्रमाणात पैसे परदेशात पाठवले जात असल्याची माहिती आयकर विभागाला संबंधितांनी सादर केलेल्या विवरणपत्रातून मिळाली होती.