प्रियांका चोप्राचा पॅरिसमध्ये जलवा

priyanka chopra पॅरिस आणखी एका भव्य फॅशन सोहळ्यासाठी सज्ज होत असताना आंतरराष्ट्रीय स्तरावर लोकप्रिय असलेली अभिनेत्री प्रियांका चोप्रा जोनस या सोहळ्याच्या केंद्रस्थानी असणार आहे. यंदाच्या प्रतिष्ठित एलव्हीएमएच पुरस्कार सोहळ्यात प्रियांका चोप्रा मानाचा कार्ल लागरफेल्ड पुरस्कार प्रदान करणार आहे. विशेष म्हणजे, हॉलिवूड अभिनेत्री जेनिफर लॉरेन्स आणि थायलंडची अभिनेत्री उरासाया ‘याया’ स्परबुंड यांच्यासोबत प्रियांका पुरस्कार सोहळ्याच्या सादरकर्त्यांमध्ये सहभागी होणार आहे.

 

 

फोंदासिओं लुई व्हुइटन येथे होणाऱ्या या सोहळ्यात डिओरच्या सदिच्छादूत जेनिफर लॉरेन्स आणि प्रियांका चोप्रा जोनस यांच्यासह लुई व्हुइटनची प्रतिनिधी असलेली उरासाया ‘याया’ स्परबुंड सहभागी होणार आहे. फॅशन क्षेत्रातील नव्या पिढीतील प्रतिभावंतांचा गौरव करणाऱ्या या सोहळ्यात यंदा नऊ उदयोन्मुख व नव्या दमाचे वस्त्ररचनाकार तीन प्रतिष्ठित पुरस्कारांसाठी स्पर्धा करणार आहेत.

प्रियांकासाठी हा सोहळा तिच्या सातत्याने विस्तारत असलेल्या आंतरराष्ट्रीय फॅशन प्रवासातील महत्त्वाचा टप्पा ठरणार आहे. डिओरची सदिच्छादूत आणि आंतरराष्ट्रीय फॅशन क्षेत्रातील प्रभावशाली व्यक्तिमत्त्व म्हणून प्रियांकाने फॅशन विश्वातील अनेक प्रतिष्ठित मंचांवर आपली वेगळी ओळख निर्माण केली आहे. पॅरिसमधील उच्च फॅशनच्या कार्यक्रमांपासून जगभरातील प्रतिष्ठित ऐश्वर्यशाली कार्यक्रमांपर्यंत तिच्या उपस्थितीची नेहमीच चर्चा होत असते.

फॅशन, ऐश्वर्य आणि लोकप्रिय priyanka chopra संस्कृती या क्षेत्रांवर प्रियांकाचा वाढता प्रभाव पाहता एलव्हीएमएच पुरस्कार सोहळ्यातील तिची उपस्थिती हा तिच्या आंतरराष्ट्रीय प्रभावाचा स्वाभाविक विस्तार मानला जात आहे. अभिनयासोबतच आपल्या वेगळ्या फॅशन शैलीमुळे जगभरात ओळख निर्माण केलेल्या प्रियांकासारख्या अभिनेत्रीने एवढ्या प्रतिष्ठेच्या फॅशन सोहळ्यात सादरकर्त्यांच्या यादीत अग्रस्थान मिळवणे ही निश्चितच अभिमानाची आणि कौतुकाची बाब आहे.