अमरावती

भाजपा राज्यात पुन्हा सत्तेत येणार ; राष्ट्रीय उपाध्यक्ष सहस्त्रबुद्धे यांचा विश्वास

अमरावती,केंद्रातल्या नरेंद्र मोदी व राज्यातल्या देवेंद्र फडणवीस यांच्या नेतृत्वातल्या सरकारने लोकहित व राष्ट्रीय अस्मितांना प्राधान्य देवून कार्य केले आहे. त्यामुळे राज्यात येत्या काही दिवसात होणार्‍या विधानसभा निवडणूकांमध्ये भाजपाला पुन्हा घवघवीत यश निश्चित मिळेल, असा विश्वास भाजपाचे राष्ट्रीय उपाध्यक्ष खासदार विनय सहस्त्रबुद्धे यांनी व्यक्त केला.   अमरावती येथे आयोजित करण्यात आलेल्या विविध कार्यक्रमांना उपस्थित राहण्यासाठी खासदार विनय सहस्त्रबुद्धे शुक्रवारी अमरावतीला आले होते. ..

उद्यापासून धामणगावात थांबणार नागपूर-पुणे गरीबरथ

खा. रामदास तडस यांच्या प्रयत्नांना यशअमरावती,नागपूर वरुन पुण्याला जाणारी गरीबरथ एक्सप्रेस धामणगांव येथे थांबावी याकरिता अनेक वर्षापासून नागरिकांची मागणी होती. यासाठी खा. रामदास तडस यांनी सतत पाठपुरावा केला. त्यांच्या पाठपुराव्याला यश आले असून उद्या शनिवार, 21 सप्टेंबरपासून पुण्यावरून येणार्‍या व नागपूरवरून येणार्‍या दोन्ही गाड्यांना धामणगांव रेल्वे स्थानकावर थांबा मंजूर झाल्याचा आदेश व परिपत्रक प्राप्त झाल्याची माहिती वर्धा लोकसभेचे खासदार रामदास तडस यांनी दिली.   धामणगांव ..

महिलेची भर चौकात प्रसूती; वेळेवर रुग्णवाहिका न मिळाल्याने मृत्यू

मोर्शी,येथे एका गर्भवती महिलेची भर चौकात उघड्यावर प्रसूती करण्यात आली. एवढेच नाही तर तिला प्रसूतीनंतर मालवाहू रिक्षातून उपजिल्हा रुग्णालयात नेण्यात आले. वेळेवर उपचार आणि रुग्णवाहिका न मिळाल्याने त्या महिलेचा मृत्यू झाला. ही हृदय हेलावणारी घटना शुक्रवारी दुपारी घडली.   आशा परशुराम बारस्कर वय 35, रा .बैतुल मध्यप्रदेश असे मृत महिलेचे नाव आहे. ती वरुड तालुक्यातील जरुड येथे रखवालदारीचे काम करीत होती . तिला प्रसूतीच्या कळा सुरू झाल्यामुळे वरुड येथील शासकीय रुग्णालयात नेण्यात आले. ..

सात बहिणींनी दिला पित्याला खांदा; मुलाची उणीव काढली भरून

वरुड,शहरातील पोस्ट ऑफीस परिसरात वास्तव्यास असलेले विठ्ठल सदाशिवराव लोखंडे यांचे वृद्धपकाळाने निधन झाल्यानंतर वृद्ध पित्याला खांदा देवुन, तिरडी पकडुन सातही मुलींनी मिळुन शहरातील नगरपरिषद मोक्षधाम येथे मुखाग्नी दिली. सर्व सोपस्कार पार पाडुन मुली सुद्धा मुलांपेक्षा सक्षम असल्याचा संदेश त्यांनी समाजाला दिला.   प्राप्त माहितीनुसार, शहरातील विठ्ठलराव लोखंडे यांचे वृद्धपकाळाने निधन झाले. त्यांना ७ मुली असताना सुद्धा त्यांनी टेलर काम तसेच कबाडकष्ट करुन सातही मुलींचे पालन-पोषण करुन शिक्षण व ..

धारणीत वीज पडून 10 जखमी

एकावर अमरावतीत तर चौघांवर धारणीत उपचारधारणी,मंगळवारी दुपारी धारणी जवळ वीज पडून 10 जण जखमी झाल्याने एकच खळबळ माजलेली आहे. कुसूमकोट गावानजीक एका झाडाखाली उभ्या असलेल्या 10 जणांवर वीज पडली. पन्नालालला गंभीर अवस्थेत अमरावतत स्थलांतरित करण्यात आले तर ग्रामसेवक  प्रितम मावस्करसह इतर तिघांवर धारणीतच उपचार सुरु आहे.धारणीपासून 4 किमी अंतरावर 17 सप्टेंबर मंगळवारी 1 वाजताच्या दरम्यान आकाशात मेघ दाटून आले तर विजेचा कडकडाट सुरु होऊन पाऊस पण पडू लागला होता. यावेळी कासमार, घुटी गावाकडून येणार्‍या ..

विद्युत प्रवाहाने आदिवासी दांपत्याचा मृत्यू

नांदगाव पेठ,मुलींच्या भेटीसाठी आलेल्या आई वडिलांचा विद्युत प्रवाहाच्या धक्क्याने मृत्यू झाल्याची दुर्दैवी घटना मंगळवारी पहाटे 6 वाजता उघडकीस आली. राष्ट्रीय महामार्गावरील एका हॉटेल नजीक असलेल्या हटवार यांच्या शेताच्या प्रवेश मार्गावर ही घटना उघडकीस आली असून नांदगाव पेठ पोलिसांनी पंचनामा करून दोन्ही मृतदेह जिल्हा सामान्य रुग्णालयात दाखल केले. दसरू आहाके (65), कमला आहाके (58) रा. चिखलार, मध्यप्रदेश अशी मृतकांची नावे आहेत.    येथील शेतकरी नितीन हटवार यांच्या शेतामध्ये मृतकाच्या दोन मुली ..

अप्परचे ५, लोअर वर्धाचे ३१ दरवाजे उघडले

 पर्यटकांची गर्दी वाढलीमोर्शी/धामणगाव रेल्वे, विदर्भातील मोठे समजले जाणारे मोर्शी तालुक्यातील अप्पर वर्धा धरण सध्या 100 टक्के भरले आहे. त्यामुळे मंगळवार, 17 सप्टेंबर रोजी सकाळी 9 वाजता या धरणाचे आणखी 2 दरवाजे उघडण्यात आले. यापूर्वीच धरणाचे तीन दरवाजे उघडले होते. आता ही सं‘या पाचवर पोहचली आहे. तसेच वर्धा नदीवरच असलेल्या लोअर वर्धा धरणाचे (बगाजी सागर) 31 दरवाजे सोमवारी रात्री 12 वाजता उघडण्यात आले.     अप्पर वर्धा धरणाचे दरवाजे हे 10 सेमीने उघडण्यात आले असून यातून ..

अमरावतीत जुन्या वादातून युवकाची हत्या

यशोदा नगर येथील घटनासर्व आरोपी गजाआड अमरावती,जुन्या वादातून यशोदानगर चौकात शनिवारी रात्री पाच जणांनी एका युवकाची हत्या केल्याची खळबळजनक घटना शनिवारी रात्री ११ वाजता घडली. या घटनेमुळे यशोदानगर परिसरात चांगलीच खळबळ उडाली होती. हल्लेखोरांना पोलिसांनी गजाआड केले आहे.भूषण भांबुर्डे (वय 20) रा. उत्तम नगर असे मृतकाचे नाव आहे. शनिवारी रात्री साडेदहा ते अकरा वाजेच्या सुमारास पंचशील नगर परिसरातील रहिवासी रितिक भालेकर, मंगेश तायडे, अक्षय भालेकर, व इतर दोघे अशा पाच जणांनी भूषण भांबुर्डे याच्यावर यशोदानगर ..

तिवस्याचे रुग्णालय ‘व्हायरल फिव्हर’ने हाऊसफुल

एका बेडवर दोन रुग्णअनेक रुग्णांवर खाली उपचारअखेर नवनिर्मित ट्रामा केअरचे लोकार्पणतिवसा,‘व्हायरल फिवर’मुळे तिवसा तालुक्यात अनेक आजारांची लागण सुरू झाली. त्यामुळे तिवसा ग्रामीण रुग्णालयात रुग्णांची उपचारासाठी मेगाभरती सुरू झाली असून रुग्णालयात एका बेडवर दोन रुग्ण झोपून तर बेडच्या खालीही रुग्ण ठेवून त्यांच्यावर उपचार करण्याची वेळ ग्रामीण रुग्णालयाच्या यंत्रणेवर आली आहे. तिवसा रुग्णालयात डॉक्टरांची कमतरता असून एका डॉक्टरवर रुग्णालयाचे काम चालू आहे. परिणामी रुग्णांची प्रचंड गैरसोय सुरू ..

पूर्णा नदीपात्रात चार बुडाले

वाठोडा शुकलेश्वर व गौरखेडा येथील घटना अमरावती,गणरायाच्या विसर्जनासाठी पूर्णा नदीपात्रात उतरलेले चार भक्त बुडल्याची घटना गुरुवारी रात्री वाठोडा शुकलेश्वर व गौरखेडा येथे उघडकीस आली. रात्री उशिरापर्यंत चौघांचाही शोध लागला नव्हता.सतीश सोळंके, ऋषिकेश वानखडे, संतोष वानखडे, सागर शेंदूरकर अशी बुडालेले चारही व्यक्तींची नावे आहे. हे चौघेही गौरखेडा येथील रहिवासी आहे. गावातल्या श्री गणेश मूर्तीचे विसर्जन करण्यासाठी हे चौघे वाठोडा शुकलेश्वर येथून वाहणाऱ्या पूर्णा नदीवर गेले होते. पूर्णा प्रकल्पाचे दरवाजे ..

वंचितचे २५ मुस्लिम उमेदवार देणार एमआयएमला टक्कर

अमरावती,  वंचित २५ मुस्लिम उमेदवार निवडणुकीत उतरवले अशी माहिती वंचित बहुजन आघाडीचे नेते प्रकाश आंबेडकर यांनी अमरावती येथे दिली. त्यामुळे वंचित बहुजन आघाडीतून एमआयएमने बाहेर पडायचा निर्णय घेतला असला तरी फारसा फरक पडणार नसल्याचे चित्र आहे. दर्यापूर येथे अण्णाभाऊ साठे जन्म शताब्दी वर्षा निमित्ताने मातंग समाज सत्ता संपादन व समाज प्रबोधन मेळाव्याचे आयोजन करण्यात आले होते.  लोकसभा निवडणुकीत आम्हाला मुस्लिम समाजाची मते मिळाली नाही. मात्र काही प्रमाणात मुस्लिम समाज आमच्या पाठीशी असून ..

भूमिपूजन स्थळी नागरिकांचा राडा; आमदार साहेबांचे हाताची घडी तोंडावर बोट

दर्यापूर, गेल्या अनेक वर्षांपासून केवळ खड्ड्यात परावर्तित झालेल्या राम मंदिर रस्त्यावर तोकडा निधी टाकल्याने दर्यापुरकर नाराज होते. त्यावर वाढीव निधी देण्याचे पत्र आमदार बुंदीले यांनी दिले होते. आचारसंहिता लागेल म्हणून भूमीपूजनाचा सपाटा सत्ताधारी पक्षाने लावला. हा रस्त्या वाढवून सुयोग्य करावा या मागणीसाठी जमलेल्या नागरिकांचे ऐकून न घेता भूमिपूजन केल्याने संतप्त नागरिकांनी लोकप्रतिनिधींना खरीखोटी सुनावत मंगळवारी सांयकाळी राडा केला.   दर्यापुरातील अतिशय रहदारीचा असलेला राम मंदिर रस्ता ..

एमआयएमसोबत युती तुटल्याने नुकसान नाही : प्रकाश आंबेडकर

दर्यापूर,लोकसभा निवडणुकीत आम्हाला मुस्लिम समाजातील मते मिळाली नाहीत. तरीदेखील काही प्रमाणात मुस्लिम समाज आमच्या पाठीशी आहे. मात्र, एमआयएमसोबत झालेल्या तुटातुटीचा काही फरक पडणार नाही. येणार्‍या विधानसभा निवडणुकीत मुस्लिम समाजातील 25 उमेदवार असतील, अशी घोषणा वंचित बहुजन आघाडीचे नेते प्रकाश आंबेडकर यांनी केली आहे. दर्यापुरात बुधवारी प्रकाश आंबेडकर यांनी ही प्रतिक्रिया दिली.   दर्यापुरात अण्णाभाऊ साठे यांचे जन्म शताब्दी निमित्य वंचित बहुजन आघाडीच्यावतीने मातंग समाज सत्ता संपादन प्रबोधन ..

"गढ्ढो के शहर मे आपका स्वागत है"; नागरिकांचा पालिकेविरोधात संताप

- अचलपूर-परतवाडा रस्त्यावर लावल्या पाट्या   अचलपूर, जुळ्या शहरातले नागरिक नगरपालिकेच्या तुघलकी कारभाराणे त्रस्त झाले आहे. शहरातील मुख्य रस्ते असो वा आतील रस्ते संपुर्ण जुळे शहर खड्डेमय झाले असून कुठे कुठे तर 6 इंच ते 1 फुट पर्यंत खोल खड्डे पडले आहे. नागरीक एवढे त्रस्त्र झाले आहे की, गावात चौकाचौकात ‘गढ्ढो के शहर मे आपका स्वागत है’ अशा प्रकारचे बोर्ड नागरीकांनी लावले आहे.  अचलपुर नगरपालिका रस्ते, नाल्या, लाईट, पाणी पुरवठा, स्वच्छता अशा सर्वच क्षेत्रात ..

चौराकुंडच्या जंगलात सांबराची शिकार

धारणी, धारणी तालुक्यातील चौराकुंड जंगलातील उत्तर मालूर वनखंडातील झालेल्या सांबराच्या शिकाराची माहिती 5 दिवसानंतर प्राप्त झाल्यावर बालाजी धिकारला व्याघ्रच्या कर्मचार्‍यांनी अटक केली आहे. जंगलत गस्त न घालता जनावर गमावल्यानंतर नेहमी चौराकुंडच्या जंगलात शिकारींवर कारवाई करण्याचा खेळ खेळला जात असतो, हे विशेष.   सिपना वन्यजीव विभागातील चौराकुंड वनपरिक्षेत्राच्या कम्पारमेंट नं. 585 च्या जंगलात 6 सप्टेंबर रोजी 10 ते 15 लोकांनी सांबराची शिकार केली. तब्बल 5 दिवसानंतर गावातील मुखबीरकडून ..

भावंडांचे मृतदेह आढळले विहीरीत; घातपाताची चर्चा?

वरुड, शहरातील सावताचौक परिसरात राहणाऱ्या दोन अविवाहित व अल्पभुधारक शेतकरी भावंडांचे मृतदेह राहत्या घरातील विहीरीतच आढळुन आल्याने शहरात एकच खळबळ माजली आहे. सदर घटना सोमवारी (9 सप्टेंबर) रात्री उघडकीस आली. मात्र, त्या दोन्ही भावंडांची आत्महत्या नसुन त्यांचा घातपात झाल्याची मोठया प्रमाणात परिसरात चर्चा असल्याने पोलिस आता या प्रकरणी कोणत्या दिशेने तपास करतात याकडे नागरीकांचे लक्ष लागले आहे.   मिळालेल्या माहीतीनुसार, शहरातील सावताचौक मागील परिसरात वास्तव्यास असलेले प्रभाकर रामराव ..

खाजगी कापूस खरेदीचा शुभारंभ

- पांढर्‍या सोन्याला 5555 भाव   अमरावती, एकादशीच्या शुभपर्वावर सोमवारी अमरावतीत खाजगी कापूस खरेदीचा शुभारंभ झाला असून कापसाला 5555 रुपये भाव निश्चित करण्यात आला. सागर इंडिस्ट्रीजचे मालक सागर पमनानी यांच्याद्वारे अडते नवलकिशोर मालपाणी यांच्याकडून कापूस खरेदी करण्यात आला. शेतकर्‍यांना जास्तीत जास्त भाव देण्याचा प्रयत्न होणार आहे.  पांढरे सोने खरेदी विक्रीचा मुहूर्त हा विदर्भात अडते नवलकिशोर मालपाणी यांच्याच दुकानात ठरला जातो. त्यानुसार खरेदी करणार्‍यांना व ..

धक्कादायक! अमरावतीत भरदिवसा भाजपा नगरसेवकाला मारहाण

अमरावती, शहराच्या हृदयस्थानी असलेल्या अंबापेठ-गोरक्षण प्रभागातून वाहणार्‍या नाली व नाला साफसफाईच्या मुद्यावरुन सोमवारी दुपारी भाजपाच्या नगरसेवकाला चुनाभट्टी चौकात मारहाण झाली. यात नगरसेवक गंभीर जखमी झाला असून त्याचा भाऊ व ज्यांच्यासोबत वाद झाला, त्या कुटुंबातील तीन व्यक्ती आणि अन्य एक असे एकूण सहा जण या घटनेत जखमी झाले आहेत.    प्रणित सोनी असे जखमी भाजपा नगरसेवकाचे नाव आहे. त्यासोबतच दर्शन सोनी, गोपीचंद बुंदिले, अक्षय बुंदिले असे जखमी झालेल्या अन्य व्यक्तिंची नावे आहे. ..

मानवी हक्क अभियान वतीने धरणे आंदोलन

मंगरुळनाथ,येथील तहसील कार्यालयासमोर 7 सप्टेंबर रोजी गायरान जमिनिधारकाच्या विविध मागण्यांसाठी एक दिवसीय धरणे आंदोलन करून तहसीलदार यांना निवेदन देण्यात आले. निवेदनानुसार पेरलेल्या जमिनीचा पंचनामा करून नोंद करणे याशिवाय गायरान जमिनीचा मालकी हक्क मिळावा. सन 1990 पूर्वीपासून ई क्लास जमिनी वहिती करून पिके घेतली जात असली तरी अद्यापपर्यंत आमच्या नावाने मालकी हक्क मिळाला नाही.    हा मालकी हक्क प्रत्येक गायरान धारकांना मिळवा. गायरान धारक हा मोलमजुरी करून कुटूंबाचा उदरनिर्वाह करतो. अल्पशा ..

सण उत्सवात वधारले फुलांचे भाव

  उत्पादक समाधानी  ग्राहकांच्या खिशाला कात्री कारंजा लाड,आपल्या संस्कृतीप्रमाणे नागपंचमीपासून सन उत्सवाला सुरूवात होते. ऋतुमानानुसार बदलत असणार्‍या सन उत्सवात मात्र, फुलांची नेहमीच गरज असते. तर मागणीप्रमाणे बाजारात फुल उपलब्ध करून देण्यासाठी व्यावसायिक सुध्दा प्रयत्नशिल असते. 2 सप्टेंबर पासून गणेश उत्सवाला सुरूवात झाली असंतांना फुलांचे भाव कमालीचे वधारले आहे. शिवाय यापुढेही फुलांचे भाव वाढतील असा अंदाज फुल व्यावसायिकांनी व्यक्त केला आहे.    यावर्षी सुरूवातीला ..

मोर्शीत मुसळधार पावसामुळे पुरपरिस्थिती

घरांमध्ये पाणी शिरले, जनजीवन विस्कळीत  मोर्शी,मोर्शी तालुक्यामध्ये आज दुपारी 12 वाजतापासून तीन ते चार तास झालेल्या मुसळधार पावसामुळे मोर्शी शहराला पुराच्या पाण्याने वेढले. शेकडो घरात पाणी शिरले असून मोर्शी चांदुर बाजार महामार्गही पाण्याखाली गेला आहे. मोर्शी तालुक्यातील डोंगरामधून आलेल्या पुरामुळे शेतातील पीक सुद्धा वाहून गेल्याने परिस्थिती गंभीर झाली आहे. मोर्शी शहरात पुराचे पाणी शिरल्यामुळे मोर्शी येथील नागरिकांचे जनजीवन विस्कळीत झाले आहे. शेकडो घरात पुराचे पाणी शिरल्याने संपूर्ण शहर ..

विद्यार्थी पाच, तर कर्मचारी सात जिल्हा परिषदेच्या शाळेची अवस्था

मुख्याध्यापकांची सतत बुट्टी दर्यापूर, येथील जिल्हा परिषद माध्यमिक शाळेचा भोंगळ कारभार चव्हाट्यावर आला असून शाळेत केवळ पाच विद्यार्थी असून हजारो रुपयांचा नियमित पगार घेणारे पाच शिक्षक व दोन शिक्षकेतर कर्मचारी असल्याची बाब पुढे आली आहे. शाळेच्या पटावर असणार्‍या विद्यार्थ्यांची संख्या मात्र 34 दाखविण्यात आली असून वर्ग 7 ते 10 वी पर्यंत कक्षा आहेत. यातील अनेक विद्यार्थी मेळघाटातील आहेत. नियमित उपस्थित विद्यार्थी केवळ पाच असल्याचे निदर्शनास आले आहे . विशेष म्हणजे या शाळेतील मुख्याध्यापक ..

तिवस्यातील महिलेला ‘स्क्रब टायफस’ ची बाधा

अमरावतीच्या खाजगी रुग्णालयात उपचार सुरू तिवसा, आपल्या घरासमोरचा परिसर अस्वच्छ असेल किंवा घरात उंदरांचे व त्याप्रकारच्या प्राण्यांचे प्रमाण अधिक असेल तर त्यावर तात्काळ उपाययोजना करा, अन्यथा स्क्रब टायफसची लागण होऊ शकते. तिवसा येथील शिक्षक कॉलनीतील 60 वर्षीय महिला शोभा हिम्मत पुनसे यांना अलिकडच्या 8 दिवसापूर्वी स्क्रब टायफस या किड्याने चावा घेतल्याने त्यांच्यावर अमरावती येथे उपचार सुरू असून त्यामुळे नागरिकांना आता सतर्क राहण्याची वेळ आली आहे.    स्क्रब टायफस हा कीटक ..

अमरावतीत गणरायाचे हर्षोल्हासात आगमन

ढोल-ताशांचा निनादमिरवणूकांनी वेधले लक्ष अमरावती,विघ्नहर्ता श्री गणेशाचे दरवर्षी प्रमाणे यंदाही धुमधडक्यात आगमन झाले. पारंपारीक वेशभुषेतले गणेश भक्त व ढोल-ताशा पथकांच्या निनादात आणि फटक्यांच्या आतषबाजीत अन् गुलालाची उधळण करीत गणरायाच्या मिरवणुका सोमवारी दूपारपासून निघाल्या. या मिरवणुकांनी सर्वांचे लक्ष वेधले. सांयकाळपर्यंत घराघरात आणि सार्वजनीक मंडळांमध्ये रात्री पर्यंत श्री गणेश विराजमान झाले होते. गणोशोत्सवाच्या आगमनाने चैतन्याचे वातावरण शहरासह जिल्ह्यात निर्माण झाले आहे.   दरवर्षीच ..

अखेर उपद्रवी ई- 1 वाघीण जेरबंद

गोरेवाडी प्राणी संग्रहालयात रवानगी अमरावती/ धारणी,मानवी जीवितास असलेला धोका लक्षात घेऊन वनअधिकारी- कर्मचार्‍यांनी शर्थीने प्रयत्न करून ई-1 या वाघिणीला जेरबंद केले. आता तिची रवानगी गोरेवाडा प्राणीसंग्रहालयात केली जाणार आहे. या कामी वनविभागाला गोलाई येथील युवकांनीसुद्धा बरीच मदत केली.यापूर्वी ही वाघीण ब्रम्हपुरी विभागातील वनक्षेत्रात वावरत होती. तिला मेअखेरीस जेरबंद करण्यात आले होते. तिच्या पुनर्वसनासाठी मेळघाट व्याघ्र प्रकल्पातील डोलार या गाभा क्षेत्रात मुक्त करण्यात आले. मात्र, मेळघाटातही ..

'ई-वन' वाघिणीच्या मुद्यावरून मेळघाट पेटले

आणखी एका आदिवासीचा बळीधारणी, 2 जुलैच्या रात्री केकदाखेडा गावात संगीता डावर नामक आठ वर्षीय बालिकेवर हल्ला करणार्‍या ई-1 वाघिणीने 20 जनावरे फस्त केल्यावर अखेर दादरा गावातील शोभाराम चौहान (58) याला शुक्रवारी ठार केले, तर दिलीप चौहानला जखमी केले. त्यामुळे मेळघाटात वातावरण चांगलेच तापले आहे. शनिवारी घटनास्थळी संतप्त आदिवासींचा मोठ्या प्रमाणात घटनास्थळी जमाव जमला होता. परिणामी आता कुठे व्याघ्र प्रकल्पाचे डोळे उघडले. खासदार नवनीत राणा यांनी 24 तासात वाघिणीला पकडण्याचे निर्देश व्याघ्र प्रकल्पाला ..

सहकार नेते विजय उगले यांच्या खुनाचा प्रयत्न

धामणगाव रेल्वे,जिल्ह्यातील सहकार नेते व आदर्श यशवंत ग्रामपंचायत झाडाचे शिल्पकार विजय उगले यांना पेट्रोल टाकून पेटवून मारण्याचा प्रयत्न झाल्याची खळबळजनक घटना तालुक्यातील चिंचोली येथे शनिवारी सांयकाळी घडली. या घटनेने संपूर्ण तालुक्यातील सहकार क्षेत्र ढवळून निघाले आहे. सदर प्रकरणी मंगरूळ दस्तगीर पोलिस स्टेशन अंतर्गत गुन्हा दाखल करण्यात आला असून आरोपीला अटक झालेली नाही.   मिळालेल्या माहितीनुसार,शनिवारला 31 ऑगस्टला काही वैयक्तिक कामानिमित्त सहकार नेते विजय उगले व त्यांचा वाहन चालक ..

सत्तेत असू किंवा नसु” शिवसेना शेतकर्‍यांच्या सदैव पाठीशी - आदित्य ठाकरे

कारंजात जनआशिर्वाद यात्रेचे जल्लोषात स्वागत शेतकरी युवक युवतींशी साधला संवाद कारंजा लाड,जनआशिर्वाद यात्रा ही गेल्या लोकसभा निवडणुकीत मतदान करणार्‍या मतदारांचे आभार मानण्याकरिता तर मतदान न करणार्‍यांचे मने जिंंकण्यासाठी तसेच नवा महाराष्ट्र घडविण्यासाठी काढण्यात आल्याचे प्रतिपादन युवा सेना प्रमुख आदित्य ठाकरे यांनी कारंजा येथे 28 ऑगस्ट रोजी केले. मतदार राजाचे आभार मानण्यासाठी आणि त्यांची मने जिंकण्यासाठी शिवसेना नेते युवा सेनाप्रमुख आदित्य ठाकरे यांनी काढलेल्या जनआशीर्वाद यात्रेला जनतेचा ..

चार बिबट्यांचा जनावरांच्या गोठ्यावर हल्ला

एका गाईची शिकार, एक जखमी अमरावती, येथील वडाळी-पोहरा जंगलात बिबट्यांची दहशत चांगलीच वाढली आहे. वैष्णवदेवी मंदिर परिसरात हिल टॉप कॉलनी येथील गाईच्या गोठ्यावर चार बिबट्यांनी शुक्रवारी रात्री हल्ला चढवला. यात एका गाईची शिकार झाली. तर दुसरी गाय गंभीर जखमी आहे. या परिसरात पंधरा दिवसात बिबट्यांने केलेल्या शिकारीची ही चौथी मोठी घटना आहे.शहरापासून अवघ्या काही अंतरावर चांदुर रेल्वे मार्गावर वडाळी-पोहर्‍याच्या जंगलात वैष्णवदेवीचे मंदिर आहे. या मंदिरासमोर हिल टॉप कॉलनी आहे. अवघ्या चौदा-पंधरा घरांच्या ..

परतवाड्याच्या अग्रवाल ज्वेलर्समध्ये ७५ लाखाची चोरी

अचलपूर-परतवाडा शहरात चोरांचा धुमाकूळ   अचलपूर,परतवाडा शहरातल्या सदर बाजार येथील ईश्वरलाल पन्नालाल अग्रवाल ज्वेलर्समध्ये अज्ञात चोरट्यांनी शनिवार मध्यरात्रीनंतर ७५ लाखांची धाडसी चोरी केली. ही घटना रविवारी सकाळी उघडकीस आली. पोलिसांनी वेगाने तपास सुरू केला आहे.अचलपूर-परतवाडा या जुळ्या शहरात सध्या चोरांचा धुमाकूळ सुरू आहे. दररोज चोरीच्या घटना उघडकीस येत आहे. अचलपूर शहरात देवळी पोलिस चौकीच्या जवळ असलेल्या मुख्य रस्त्यावरील दोन दुकानांना चोरट्यांनी दोन दिवसांपूर्वी लक्ष केले, त्याच दिवशी ..

ट्रक-कारच्या भिषण अपघात एकाच कुटुंबातील चौघांचा मृत्यु

नागपुर - औरंगाबाद एक्सप्रेस हायवेवरची घटना  चांदूर रेल्वे, नागपुर - औरंगाबाद एक्सप्रेस हायवेवर चांदूर रेल्वे तालुक्यातील घुईखेड जवळील खारवगळ नाल्याजवळ खड्डा चुकविण्याचा नादात अल्टो कार व ट्रकच्या भिषण अपघातात अल्टोमधील चौघांचा मृत्यु झाल्याची दुर्दैवी घटना रविवारी दुपारी घडली. चांदूर रेल्वे तालुक्यातील धोत्रा येथील मुळचे असलेले व सध्या नागपुरातल्या कस्तुरी नगर येथे वास्तव्यास असलेले अनिल सारंगधर चेंडकापुरे हे रविवारी आई, पत्नी व मुलासोबत नागपुर वरून घुईखेडकडे एमएच ४९ यु ३४०९ क्रमांकाच्..

मोझरी नजिक एसटी बस उलटली

सहा जखमी, मोठी घटना टळली तिवसा,अमरावती - नागपूर राष्ट्रीय महामार्गावर गुरुकुंज मोझरी नजीक हॉटेल साईकृपा जवळ नागपूर येथून अमरावती जाणारी एसटीबस शनिवारी रात्री ८वाजता उलटली. यात सहा प्रवाशी जखमी झाले असून त्यांच्यावर नजिकच्या तिवसा व मोझरी रुग्णालयात उपचार करण्यात आले. नागपूर येथून अमरावती जाणारी बस क्रमांक एम एच४०वाय५२६६ हि बस अचानकपणे महामार्गावरील मोझरी नजिक असलेल्या हॉटेल साईकृपा जवळ अनियंत्रित झाली. त्यात बस महामार्गावरून रोडच्या खाली थेट खड्डयात उलटली. या बसमध्ये एकूण ४६ प्रवाशी होते. ..

सराफा दूकान लूटणारी टोळी जेरबंद

7 लाखाचा मुद्देमाल जप्तस्थानीक गुन्हे शाखेची कारवाई अमरावती,चांदूर बाजार येथील सराफा दुकान लुटून सुमारे सुमारे 33 लाख रूपयांचे सोने, चांदी व रोकड लुटून नेणार्‍या आरोपींच्या टोळीला स्थानीक गुन्हे शाखेने जेरबंद केले आहे. पोलिसांनी याप्रकरणात तीन आरोपींना अटक केली असून सुमारे 7 लाख रूपयांचा मुद्देमाल जप्त केल्याची माहिती शनिवारी देण्यात आली.  चांदूर बाजार येथील सराफा व्यापारी धनंजय साबदरे यांच्या जयस्तंभ चौक परिसरातील भवानी ज्वेलर्समधून 9 ऑगस्ट रोजी धाडसी चोरीची घटना घडली होती. अज्ञात ..

अमरावती: नमुना परिसरातील इमारत कोसळली

जीवितहानी नाहीअमरावती, ऑगस्ट शहरातील नमुना परिसरात जीर्ण झालेली ३ मजली इमारत शुक्रवारी रात्री कोसळली. या अपघातात सुदैवाने कुठलीही जीवितहानी झाली नाही. या घटनेमुळे मात्र नमुना परिसरात खळबळ उडाली आणि भीतीचे वातावरण निर्माण झाले.शहरातील नमुना परिसरातील तीन मजली इमारतीत फक्त आटा चक्की होती. जुनी असणारी ही इमारत जीर्ण व मोडकळीस आली होती. शुक्रवारी रात्री 10 वाजेच्या सुमारास ही इमारत अचानक कोसळल्याने खळबळ उडाली. ही इमारत प्रकाश लुंगीकर यांच्या कपडे प्रेस करण्याच्या दुकानावर कोसळल्याने लुंगीकर यांच्या दुकानातील ..

खासदार व आमदाराच्या घरासमोर घंटानाद आंदोलन

अमरावती, पुरोगामी महाराष्ट्रात आरक्षणाचे प्रमाण 78 टक्क्यावर पोचले आहे. हे आरक्षण हुशार, मेहनती विद्यार्थ्यांवर अन्याय आहे. या आरक्षणाच्या विराधात ‘सेव्ह मेरिट’ अशा घोषणा देत शेकडो नागरिकांनी बुधवारी खासदार नवनीत राणा आणि आमदार रवी राणा यांच्या घरासमोर घंटानाद आंदोलन केले.   सेव्ह मेरिट सेव्ह नेशनचे कार्यकर्ते शंकरनगर स्थित राणा दाम्पत्याच्या घरासमोर पोहोचल्यानंतर घंटा, ताट, वाट्या वाजवून आरक्षणाचा निषेध नोंदविण्यात आला. राज्य सरकारने वाढविलेले आरक्षण तात्काळ रद्द करण्यात ..

अमरावतीच्या मेजर आनंद पाथरकर यांना शौर्य पुरस्कार

अमरावती, स्वातंत्र्य दिनाच्या पर्वावर अमरावतीच्या शिरपेचात मानाचा तुरा रोवला गेला आहे. शहरातल्या गाडगेनगर भागातील मूळ रहिवाशी मेजर आनंद शरद पाथरकर यांना त्यांच्या शौर्य, साहस व विलक्षण नेतृत्वासाठी भारतीय संरक्षण मंत्रालयाकडून ‘सेना मेडल’ हा शौर्य पुरस्कार जाहीर करण्यात आला आहे.   मेजर आनंद सध्या 50 राष्ट्रीय रायफल्स, पुलवामा, कश्मिरमध्ये कार्यरत आहे. तिथे काही महिन्यापूर्वी दोन आतंकवादी एका घरात घुसून बसल्याची बातमी मिळताच जिवाची पर्वा न करता आपल्या टीमसोबत मेजर आनंद ..

अखंड भारताच्या स्वातंत्र्याचा जल्लोष

भाजयुमोची आतषबाजी, ढोल ताशाचा निनाद   अमरावती,जम्मू-काश्मिरमधून कलम 370 रद्द झाल्यानंतरच्या अखंड भारताचा स्वातंत्र्योउत्सव 15 ऑगस्टच्या पुर्वसंध्येला भाजयुमोच्या पदाधिकार्‍यांनी व कार्यकर्त्यांनी साजरा केला. नेहरू मैदान व राजकमल चौकात शहीदांना अभिवादन करून फटाक्यांची आतिषबाजी, ढोल-ताशाचा गजर आणि दिव्यांचा झगमगाटात हा अखंड भारताचा स्वातंत्र्योत्सव साजरा झाला. आओ लगाये एक दिया सच्ची आझादी के नाम, कश्मिर के लिये जो हुये बलिदान, आईये करे उनके शहादत को सलाम, असा जयघोष करीत अखंड ..

मागासवर्ग प्रतिनिधी आरक्षण सोडत जाहीर

विद्यापीठ विद्यार्थी परिषद निवडणूकअमरावती,महाराष्ट्र सार्वजनिक विद्यापीठ कायद्यानुसार यावर्षी विद्यापीठ विद्यार्थी परिषद निवडणूक घेण्यात येणार आहे. सर्वप्रथम विद्यापीठ विभाग विद्यार्थी परिषद व महाविद्यालय विद्यार्थी परिषदेची निवडणूक होणार आहे. त्यात अध्यक्ष, सचिव, महिला प्रतिनिधी आणि मागासवर्ग प्रतिनिधी असे चार प्रतिनिधी निवडून येणार आहेत. मागासवर्ग प्रतिनिधी वर्गवारीत ओ.बी.सी., एस.सी., एस.टी., डी.टी-व्ही.जे.एन.टी. अशा चार वर्गवारीत आरक्षण ईश्वरचिठ्ठीद्वारे मंगळवारी निश्चित करण्यात आले.विद्यापीठ विभाग ..

अमरावतीत बांधकाम मिस्त्रीची धारदार शस्त्राने हत्या

पोटे टाऊनशीप येथील थरारक घटना नांदगाव पेठ,पैसे घेऊनही घराचे बांधकाम न केल्याने त्रस्त झालेल्या एका युवकाने संतापाच्या भरात धारदार शस्त्राने मिस्त्रीची हत्या केल्याची घटना मंगळवारी संध्याकाळी 6 वाजताच्या दरम्यान नांदगाव पेठ पोलिस स्टेशन अंतर्गत येणार्‍या पोटे टाऊनशिपमध्ये घडली.शरद रामराव भटकर असे मृतकाचे नाव असून सिद्धार्थ वानखडे असे आरोपीचे नाव आहे. घटनेनंतर आरोपीने घटनास्थळावरून पोबारा केला असून पोलिस त्याचा शोध घेत आहे. शरद भटकर हा मिस्त्री असून पोटे टाऊनशिप मधील सिद्धार्थ या युवकाच्या ..

अमरावतीच्या एसआरपीएफ वसाहतीत बिबट्याची दहशत

घरात व गोठ्यात घुसून कुत्र्याची शिकार अमरावती,शहरालगत असणार्‍या वडाळी-पोहरा जंगलाला लागून असलेल्या राज्य राखीव पोलिस दल वसाहतीतील बिबट्याची दहशद वाढली आहे. या परिसरातल्या एका घरातून रविवारी रात्री आणि सोमवारी रात्री वैष्णवदेवी मंदिर पारिसरातल्या एका म्हशींच्या गोठ्यात असणार्‍या कुत्र्याची शिकार बिबट्याने केली. त्यामुळे परिसरात चांगलीच खळबळ उडाली आहे. वडाळी, पोहरा, भानखेडा, मोगरा या एकमेकांना लागून असणार्‍या जंगलात 10 ते 12 बिबट्यांचा वावर आहे. या परिसरात घनदाट जंगल आहे. त्यामुळे ..

अमरावतीच्या श्रीनिवासला राष्ट्रीय पुरस्कार

- 66 व्या राष्ट्रीय चित्रपट पुरस्काराची घोषणाअमरावती,नाळ चित्रपटात निरागस चैत्याची भूमिकेतून रसिकांच्या मनात स्थान मिळविणार्‍या अमरावतीच्या श्रीनिवास पोकळेला सर्वोत्कृष्ट बालकलाकाराचा राष्ट्रीय पुरस्कार शुक्रवारी जाहीर झाला आहे.   केंद्र शासनाकडून 66 व्या राष्ट्रीय चित्रपट पुरस्काराची आज घोषणा झाली. सर्वोत्तम मराठी चित्रपटाचा मान ‘भोंगा’ या चित्रपटाला मिळाला आहे. याशिवाय ‘पाणी’, ‘नाळ’, ‘चुंबक’, ‘तेंडल्या’, ‘खरवस’ ..

पावसामुळे अमरावतीतल्या शाळांना उद्या सुट्टी

अमरावती,अमरावती जिल्ह्यात सुरु असलेल्या सार्वत्रिक पावसामुळे नदी, नाले ओसंडून वाहत आहेत. पाऊस कायम राहण्याची शक्यता लक्षात घेऊन जिल्हा प्रशासनाकडून उद्या शुक्रवारी (9 ऑगस्ट) जिल्ह्यातील सर्व शाळांना सुट्टी जाहीर करण्यात आली आहे. तसा संदेश सर्व शाळांच्या मुख्याध्यापकांना रात्री प्रशासनाकडून पाठविण्यात आला आहे.   धारणी येथील मांडवा येथे वीजेचे खांब कोसळले असून, त्यामुळे धारणी शहर व परिसरात वीजपुरवठा बंद आहे. पाऊस थांबताच तातडीने वीजपुरवठा सुरू करण्यात येणार आहे. धारणी तालुक्यात सिपना ..

सापडली दुर्मिळ प्रजातीची घोरपड; युवकांनी सुरक्षित सोडले जंगलात

  धारणी,गुजरातच्या वडोदरा शहरात नदीच्या पुरातून एका मगरीने शहरात प्रवेश केल्याची घटना सोशल मिडीयावर जगभर ट्रेंड करत होती. आता मात्र आमच्या मेळघाटातील कावरा नावाच्या तलावातून एका घोरपडने जवळच्या गावात प्रवेश केल्यावर एकच दहशत पसरलेली होती. मात्र आदिवासी युवकांनी या बिनविषारी दुर्मिळ प्राण्याची ओळख पटवून तिला सुरक्षितरित्या जंगलात सोडले. अनेक वन्यप्राण्यांचे मोहरघर असलेल्या मेळघाटात ‘मॉनिटर लिजर्ड’ नावाची मोठी घोरपड सापडल्याने प्राणी संपदेत वाढत झालेली आहे. धारणीपासून 18 किमी ..

मेळघाट पुराच्या विळख्यात, सर्व नद्या 'ओव्हर फ्लो'

 अमरावती/धारणी,धारणी तालुक्यातील कावरा तलाव ओव्हर फ्लो झाल्याने जवळच्या गावांना धोक्याचा इशारा तहसिलदार सचिन खाडे यांनी दिलेला आहे. जवळपास सर्वच नद्यांना पूर आले आहे. जिल्ह्यात गेल्या 20 तासापासून अखंड पाऊस सुरू असला तरी मेळघाट वगळता इतरत्र धोक्याची स्थिती नाही.   मागील वर्षाच्या 8 ऑगस्टपर्यंत धारणी तालुक्यात 467.5 मि.मी. पाऊस झालेला होता. यावर्षी मात्र 786.02 झाल्याने तुलनात्मक दृष्ट्या यावेळी 59.41 टक्के पाऊस जास्त झालेला आहे. गेल्या 24 तासात धारणी तालुक्यातील हरिसाल, सावलीखेडा, ..

गरिबीला कंटाळून दाम्पत्याने संपविली जीवनयात्रा

तिवसा,मोल मजुरी करणार्‍या पती - पत्नीने गरिबीला कंटाळून राहत्या घरीच गळफास लावून आत्महत्या केल्याची घटना अमरावती जिल्ह्यातील तिवसा तालुक्यातील वर्‍हा येथे मंगळवारी रात्री घडली.   नरेश मलकाम व पूजा मलकाम असे मृत पती-पत्नीचे नाव आहे. या दोघांना एक मुलगा व एक मुलगी आहे, या दोघांनी आपल्या राहत्या घरात दोन वेगवेगळे दोर बांधून गळफास लावून आत्महत्या केली. प्राप्त माहितीनुसार मलकाम कुटुंब हे चांदूर रेल्वे तालुक्यातील कारला येथून 7 वर्षांपासून वर्‍हा येथे राहायला आले होते. ..

अमरावतीत तीन तलाकचा पहिला गुन्हा दाखल

शिरजगाव कसबा, संसदेत तीन तलाक विधयेक मंजूर झाल्यानंतर अमरावती जिल्ह्यातला पहिला गुन्हा शिरजगाव पोलिस ठाण्यात दाखल झाला असून प्रकरण करजगाव येथील आहे. या प्रकरणात पिडीतेच्या तक्रारीवरून बुधवारी तब्बल सात जणांवर गुन्हे दाखल करण्यात आले आहे.   मादिहा फिरदोस मुख्तार अहेमद (22, रा. करजगाव, ता. चांदूर बाजार) ह.मु. तळेगाव मोहना ता. चांदूर बाजार असे तीन तलाक पिडीत महिलेचे नाव आहे. सदर महिलेचे लग्न फिरदोस मुख्तार मंजूर अहेमद खान याच्यासोबत झाले होते. काही दिवस आंनदाने गेल्यानंतर सदर महिलेचा ..

मुखमंत्र्यांची महाजनादेश यात्रा ६ ऑगस्टला कारंजात

 गुरूनगरीत मुख्यमंत्री करणार जाहीर सभेला मार्गदर्शन भाजपाचे जिल्हाध्यक्ष आमदार पाटणी यांची माहीती  वाशिम, विधानसभा निवडणुकीच्या पार्श्वभूमीवर राज्य सरकारच्या पाच वर्षांतील कामांचा हिशोब जनतेपुढे ठेवण्यासाठी, मुख्यमंत्री देवेंद्र फडणवीस यांच्या 'महाजनादेश यात्रेला' राष्ट्रसंत तुकडोजी महाराजांचे जन्मस्थान असलेल्या मोझरी येथून १ ऑगस्ट ला सुरुवात झाली. ही यात्रा ६ ऑगस्ट रोजी वाशिम जिल्ह्यातील कारंजा येथे दाखल होणार असून विद्याभारती महाविद्यालयाच्या प्रांगणात दुपारी १२:३० वाजता आयोजित ..

महाराष्ट्र दूष्काळ मुक्त करणारच- मुख्यमंत्री

गुरुकुंज मोझरी,दुष्काळाशी हात करण्यासाठी पुढची पाच वर्ष घालवायची आहेत असे सांगून पुढच्या पिढीला दुष्काळ पाहू देणार नाही, असा निर्धार व्यक्त करत मुख्यमंत्री देवेंद्र फडणवीस यांनी महाराष्ट दूष्काळ मुक्त करण्याचा संकल्प आपल्या एक तासाच्या जोशपुर्ण भाषणातून केला.भाजपाच्या महाजनादेश यात्रेच्या गुरूवार 1 ऑगस्ट रोजी गुरूकुंज मोझरी येथील शुभारंभीय सभेत मुख्यमंत्री बोलत होते. यावेळी मंचावर देशाचे संरक्षण मंत्री व भाजपाचे राष्ट्रीय नेते राजनाथसिंह, महसुल मंत्री प्रदेशाध्यक्ष चंद्रकांत पाटील, वित्तमंत्री सुधीर ..

केंद्रीय संरक्षण मंत्री व मुख्यमंत्र्यांकडून राष्ट्रसंतांना अभिवादन

अमरावती, केंद्रीय संरक्षण मंत्री राजनाथ सिंह, मुख्यमंत्री देवेंद्र फडणवीस यांनी आज गुरुकुंज मोझरी येथे राष्ट्रसंत तुकडोजी महाराज यांच्या समाधीस्थळी अभिवादन केले.महाजनादेश यात्रेच्या शुभारंभासाठी केंद्रीयमंत्री राजनाथसिंह व मुख्यमंत्री फडणवीस यांच्यासह विविध मंत्री गुरुकुंज मोझरी येथे दाखल झाले.मोझरी येथील गुरूकुंज आश्रमाच्या अध्यक्षा पुष्पाताई बोंडे, सरचिटणीस जनार्दन बोथे आदींनी आश्रमातर्फे केंद्रीयमंत्री राजनाथसिंह व मुख्यमंत्री फडणवीस यांचे स्वागत केले. सार्वजनिक बांधकाम व महसूल मंत्री चंद्रकांत ..

चांगल्या नेत्यांना भाजपात प्रवेश बाकीच्यांसाठी हाऊसफुल- मुख्यमंत्री

अमरावती,गेल्या काही दिवसांपासून भाजपमध्ये इतर पक्षांतून येणाऱ्या नेत्यांची अक्षरशः रीघ लागली आहे. बाहेरून येणाऱ्या नेत्यांची संख्या आता इतकी झाली आहे की, आता भरती नाही, असे मुख्यमंत्री देवेंद्र फडणवीस यांना जाहीर करावे लागले. या सोबतच आज अमरावतीतून 'महाजनादेश' यात्रेला सुरुवात करून भाजपने विधानसभा निवडणुकीच्य प्रचाराचा श्रीगणेशही केला. अमरावतीच्या गुरुकुंज मोझरीतून भाजपच्या महाजनादेश यात्रेला आजपासून सुरुवात झाली. या महाजनादेश यात्रेच्या पहिल्याच सभेत मुख्यमंत्री देवेंद्र फडणवीस यांनी गेल्या पाच ..

मुख्यमंत्र्यांच्या महाजनादेश यात्रेचा उद्या शुभारंभ

 संरक्षण मंत्री राजनाथ सिंह दाखविणार हिरवी झेंडीअमरावती,‘पुन्हा आणुया आपले सरकार’ हा उद्देश डोळ्यासमोर ठेऊन मुख्यमंत्री देवेंद्र फडणवीस यांच्या नेतृत्वात राष्ट्रसंत तुकडोजी महाराजांची कर्मभुमी गुरूकुंज मोझरीतून भाजपाच्या महाजनादेश यात्रेचा शुभारंभ उद्या 1 ऑगस्ट रोजी दूपारी 12 वाजता होणार आहे. देशाचे संरक्षण मंत्री व भाजपाचे राष्ट्रीय राजनाथ सिंह यात्रेला हिरवी झेंडी दाखविणार आहे. तत्पुर्वी मोझरीत शुभारंभाची जंगी सभा होणार आहे. या सभेची जय्यत तयारी करण्यात आली आहे.   गुर..

मेळघाटात पाणीच पाणी...

वीज बंद, मोठ्या पुलाचे नुकसान सात गावे प्रभावित, पोलिस व प्रशासन अलर्ट धारणी,मेळघाटात या वर्षीचा पहिला दणकट पाऊस सर्वत्र बरसला. डिजिटल ग्राम हरिसाल येथे 10 घरात पुराचे पाणी शिरुन 10 कुटुंबे उघड्यावर पडली तर मोठ्या पुलाला पण नुकसान झाले. एक इंडिका गाडी पुराच्या पाण्यात वाहत जाताना दिसली, असे लोक म्हणतात. मात्र पुष्टी होऊ शकलेली नाही. रविवारी रात्री पासून सुरू असलेल्या पावसामुळे तापी, सिपना, गडगा, कावरा, अलई, खंडू, खापरा, मधवासह सर्व नद्यांना महापूर आलेला आहे. सर्वाधिक नुकसान हरिसाल आणि दूनी गावात ..

हुल्लडबाजी करणारा युवक चिखलदऱ्याच्या दरीत कोसळला

चिखलदरा, चिखलदरा पर्यटन स्थळावर मुसळधार पावसाने हजेरी लावल्याने दाट धुके पसरले आहे. निसर्गाचा आस्वाद घेण्यासाठी हजारोच्या संख्येने पर्यटक शनिवार-रविवार या दोन दिवसांत हजेरी लावतात. त्यात पर्यटनस्थळावरील नियमांना पायदळी तुडवत हुल्लडबाजी करणारेही काही असतात. ही हुल्लडबाजी बऱ्याचदा जीवावरही बेतते. मित्रांसोबत फिरायला आलेला वर्धेचा युवक येथील पंचबोल पॉइंटच्या खोल दरीत कोसळला. नशीब बलवत्तर म्हणून तो दरीत दीडशे फूट अंतरावरील झाडाला अडकल्याने सुखरुप बचावला. त्याच्या मित्रांनी पोलिसांच्या ..

महाजनादेश यात्रेचा अमित शाह करणार शुभारंभ

गुरूकुंज मोझरीत होणार शुभारंभाची जंगी सभा अमरावती,‘पुन्हा आणुया आपले सरकार’ हा उद्देश डोळ्यासमोर ठेऊन मुख्यमंत्री देवेंद्र फडणवीस यांच्या नेतृत्वात राष्ट्रसंत तुकडोजी महाराजांची कर्मभुमी गुरूकुंज मोझरीतून 1 ऑगस्टपासून निघणार्या महाजनादेश यात्रेचा शुभारंभ देशाचे गृहमंत्री व भाजपाचे राष्ट्रीय अध्यक्ष अमित शहा यांच्याहस्ते होणार असल्याची आणि यात्रेच्या संपूर्ण प्रवासाची माहिती यात्रा प्रमुख व भाजपाचे प्रदेश सरचिटणीस सुजितसिंह ठाकूर यांनी शुभारंभीय सभेचे प्रमुख कृषिमंत्री व अमरावतीचे ..

मुले चोरणार्‍यांच्या अफवेने मेळघाटात दहशत

रात्री जागत आहेत आदिवासी धारणी, धारणी तालुक्यात सध्या ई-1 नावाच्या वाघिणीच्या मुक्त संचारामुळे खेड्यापाड्यात एकच दहशत पसरलेली आहे. आता मात्र धारणीत मुले चोरणारे गल्लोगल्ली फिरत असल्याच्या अफवेमुळे लोकांची झोप उडाली आहे. मुले चोरणार्‍याला स्थानिक भाषेत ‘चिरमा’ असे म्हणतात. रात्री बालके चोरण्यासाठी ‘चिरमा’ येत असल्याची चर्चा मध्यप्रदेशातील खालवा आणि खकनार या आदिवासी भागातून धारणी शहरात पोहचलेली आहे.   शहरातील नेहरुनगर, दुबई तथा आदिवासी बहुल वार्डात रात्री ..

खाजगी वायरमनचा विजेच्या धक्क्याने मृत्यू

मृतदेह चार तास खांबावर साहूर गावात तणाव टाकरखेडा संभू,विद्युत खांबावर केबल टाकण्याकरिता चढलेल्या 40 वर्षीय इसमाचा जिवंत तारेला स्पर्श झाल्याने मृत्यू झाल्याची घटना भातकुली तालुक्यातील साऊर येथे घडली. दादाराव श्रीरामजी सोळंके असे मृतक इसमाचे नाव असून सकाळी 7:45 वाजताच्या सुमारास जनावरांना पाणी पाजण्यार्‍या धर्मार्थ संस्थेचा केबल टाकण्यासाठी ते गेले होते. दरम्यान ही घटना घडली. या घटनेला गावकर्‍यांनी महावितरण कंपनीलाच जबाबदार धरून मृतदेह ताब्यात घेण्यास नकार दिल्याने गावात काही काळ तणाव ..

मला मोदींनी दिली खासदारकी : संभाजी राजे

आयएएस सृष्टी देशमुखचा भावपूर्ण सत्कार अमरावती,छत्रपती शिवाजी महाराजांचा मी वारस आहे. छत्रपती शाहू महाराजांमुळे कोल्हापूरचा झालेला सर्वांगीण विकास असा आमच्या कुटुंबाचा भक्कम वारसा असतानाही २००९ च्या निवडणुकीत मी कोल्हापुरातून लोकसभा निवडणूक हरलो. मात्र, त्यानंतर खऱ्या अर्थाने २०१३ साली घराबाहेर पडलो आणि खानदेश, विदर्भ, मराठवाडा, पश्चिम महाराष्ट्र आणि कोकण असा संपूर्ण महाराष्ट्र पिंजून काढला. शिवाजी महाराजांचा वारस आपल्या घरी येत असल्याचा आनंद लोकांना वाटायचा. माझी ही मेहनत आणि कष्ट पाहून २०१६ ..

दर्यापूर पालिकेत राजकारण तापले; ९५ कर्मचार्‍यांची वेतनवाढ रोखण्याचा डाव

दर्यापूर, दर्यापूर नगर पालिकेत सर्वच 95 कर्मचार्‍यांची एक वेतनवाढ रोखण्याची सूचना पालिकेच्या सर्वसाधारण सभेत नगरसेवकांनी केली. कार्यालयीन कर्मचारी सतत उशिरा कार्यालयात पोहोचत असल्याचा ठपका ठेवत व लंच ब्रेकच्या नावाखाली कार्यालयात बुट्टी मारण्याचा आरोप करीत गुरूवारी झालेल्या सर्वसाधारण बैठकीत नगरसेवकांनी ही सूचना मांडली. परंतु काही दिवसापूर्वी मुख्याधिकारी गीता वंजारी यांना एका नगरसेवकाने केलेल्या शिवीगाळ प्रकरणात कर्मचार्‍यांनी मुख्याधिकार्‍यांची बाजू घेतल्याने बदल्याच्या भावनेतून ..

'ई-वन' वाघिणीचा गावात धुमाकुळ

धारणी, मेळघाट व्याघ्र प्रकल्पाच्या घनदाट जंगलाचा परित्याग करुन आज नरभक्षी ई-1 नावाची वाघिण आता सपाट धारणी भागाकडे वळल्याने एकच खळबळ माजलेली आहे. शुक्रवारला धारणीपासून अवघ्या 14 कि.मी. अंतरावर असलेल्या रबांग गाव शिवारात दिसली तर गुराख्याच्या तीन बकर्‍या फस्त केल्याने गावातील आदिवासींनी गाव सोडणे सुरु केलेले आहे.   मागील 16 दिवसापासून ई-1 नावाच्या जंगलातील वाघिणीने केकदाखेडा, खिडकी, कासमार, कवडाझिरी, कंजोली, मोथाखेडा, गोलाई या गावामध्ये दहशत पसरविल्यानंतर आता तिने टिटम्बा गावाजवळच्य..

नागरिक संतापले! आमदार साहेबांना खराब रस्त्यावरून गाडी चालविण्याचा आग्रह

दर्यापूर, तालुक्यात वेगवेगळ्या गावात विकासकामांच्या भूमीपूजनाचा सपाटा लावीत नांदरूण येथे कार्यक्रमाला उपस्थित राहण्यासाठी जाणारे आमदार रमेश बुंदिले यांच्या वाहनाला ग्रामस्थांनी अडविले, तसेच खराब रस्त्यावरून आपले वाहन नेण्याचा आग्रह धरला.  म्हैसपूर ते भामोद रस्ता गेल्या अनेक दिवसांपासून अतिशय खराब स्थितीत आला आहे. या रस्त्याचे काम करावे, अशी मागणी अनेकवेळा करण्यात आली, मात्र त्याकडे दुर्लक्ष करण्यात आले. आसपासच्या गावातील रस्त्यावर लाखो रुपयांचा निधी देत आमदार रमेश बुंदिले यांनी विकासकामे ..

विदर्भ नदीच्या पात्रात उडी घेत शेतकऱ्याची आत्महत्या

धामणगाव रेल्वे,  मागील चार वर्षांपासून सतत नापिकी तर यंदा सोयाबीन, कपाशीची पेरणी केल्यानंतर पावसाच्या खंडतेमुळे दोन्ही पिके डोळ्यासमोर पीक करपल्याचे पाहून एका सत्तर वर्षीय शेतकऱ्याने विदर्भ नदीच्या पात्रात उडी घेऊन आत्महत्या केल्याची घटना अशोकनगर या गावी बुधवारी उघडकीस आली.    भास्कर दत्तूजी राजनकर असे विदर्भ नदीच्या पात्रात उडी घेऊन जीवनयात्रा संपविलेल्या शेतकऱ्यांचे नाव आहे. तालुक्यातील अशोकनगर येथे ते मागील अनेक वर्षांपासून पाच एकर शेतीत उत्पन्न घेऊन आपल्या संसाराचा गाढा ..

अमरावतीत उपोषणस्थळीच लागली हळद

 अमरावती,बदल्यांचे प्रश्न आणि प्रशासकीय आस्थापनेकडून होणाऱ्या अन्यायाविरोधात महावितरणचे सात कर्मचारी ९ जुलैपासून वीज कंपनीच्या मुख्य कार्यालया समोर उपोषणाला बसले आहे. त्यातील निखिल अरुण तिखे या आंदोलांकर्त्याचे १९ जुलैला लग्न असल्यामुळे त्याने बुधवारी रात्री हातावर मेहंदी काढून घेतली तर गुरुवारी सकाळी हळद लावून घेतली. शुक्रवारी लग्न सोहळा आंदोलनस्थळीच होणार आहे.   बदली प्रक्रियेवर आक्षेप घेऊन वर्कर्स फेडरेशनच्या बॅनरखाली हे आंदोलन सुरू आहे. वीज प्रशासनाविरुद्ध आंदोलनात सहभागी निखिलच्या ..

नागपूर-भुसावळ मार्गावरील बंद पॅसेंजर गाड्या शुक्रवारपासून धावणार

- खासदार तडस यांच्या प्रयत्नांना यश   अमरावती,नागपूर-भुसावळ रेल्वे मार्गावरील गेल्या अडीच महिन्यांपासून बंद असलेल्या चार पॅसेंजर रेल्वे गाड्या 19 जुलैपासून पुन्हा सुरू होणार आहे. वर्धेचे खासदार रामदास तडस यांच्या सततच्या पाठपुराव्याने गाड्या सुरू करण्याचा निर्णय रेल्वे मंत्रालयाने घेतला आहे. नागपूर ते भुसावळ या रेल्वे मार्गावरचे काम करण्याचे कारण सांगून वर्धा-भुसावळ-वर्धा, नागपूर-भुसावळ-नागपूर, नागपूर-अमरावती-नागपूर आणि अजनी-काजीपेठ-अजनी या चार प्रमुख पॅसेंजर रेल्वे गाड्या पश्चिम ..

मोझरी उपसा सिंचन योजनेत नवीन गावांचा समावेश

भाजपा जिल्हाध्यक्ष प्रा. सर्यवंशी यांचे प्रयत्न अमरावती, गुरुकुंज मोझरी उपसा सिंचन योजनेत नवीन आठ गावांचा समावेश होणार असून एकूण 25 गावांना या योजनोचा लाभ मिळणार आहे. जलसंपदा मंत्री गिरीश महाजन यांनी त्याला मान्यता दिली आहे. यासाठी भाजपाचे जिल्हाध्यक्ष प्रा. दिनेश सुर्यवंशी यांनी  सातत्याने पाठपुरावा केला होता.  सदर प्रकल्पाला मान्यता देण्यात आली तेव्हा 17 गावांचा समावेश करण्यात आला होता. समावेश करणे शक्य असतानाही काही गावे जाणीवपुर्वक डावलण्यात आली होती. त्या गावातील ..

अमरावती जिल्ह्यात पिक कर्जाचे वाटप फक्त 22 टक्केच

अमरावती, राष्ट्रीयकृती बँकांच्या अड्डेलतट्टू धोरणामुळे अमरावती जिल्ह्यात आतापर्यंत फक्त 22 टक्केच पिक कर्जाचे वाटप करण्यात आले आहे. त्यातही जिल्हा बँकेचे कर्ज वाटप सगळ्यात जास्त आहे. अशा स्थितीत खरीप कर्ज वाटपाचे प्रमाण जुलै अखेरपर्यंत 55 टक्क्यांहून अधिक कसे होणार हाच मोठा प्रश्न आहे.   जिल्हाधिकारी कार्यालयात जिल्हाधिकारी नवाल यांनी पीक कर्ज व विविध योजनांचा आढावा घेतला. आता पर्यंत जिल्हा सहकारी बँकेतर्फे 28 टक्के, राष्ट्रीयकृत व्यापारी बँकातर्फे 18 टक्के व ग्रामीण बँकेतर्फे ..

सरकारचा राज्यघटना गुंडाळण्याचा प्रयत्न : डॉ. कांगो

अमरावती,नैतिक शिक्षणाच्या नावाखाली धार्मिक शिक्षण देण्याचा डाव सरकारने आखला आहे. साधू, संत, मौलवी यांच्यासाठी वेतन योजना आणून भारतीय राज्यघटना गुंडाळून ठेवण्याचा प्रयत्न सरकार करत असल्याचा आरोप भारतीय कम्युनिस्ट पक्षाचे राष्ट्रीय सचिव डॉ. भालचंद्र कांगो यांनी केला आहे.   भारतीय कम्युनिस्ट पक्षाच्या राज्य काउंसिलची दोन दिवसीय सभा अमरावतीत अग्रसेन भवन येथे आयोजित करण्यात आली होती. मंगळवारी सभेच्या समारोपानंतर डॉ. भालचंद्र कांगो यांनी पत्रकरांशी संवाद साधला. सत्तेत पुन्हा एकदा आलेल्या ..

अमरावती विभागात जलसाठा फक्त साडेतेरा टक्के

खडकपुर्णा धरणात पाणीच नाहीपाणी टंचाईची दाहकता कायमअमरावती,यावर्षी अमरावती विभागातील अनेक गावांमध्ये तीव्र पाणीटंचाईचा सामना नागरीकांना करावा लागला असून अजूनही पाणीटंचाईची परिस्थिती अनेक गावांमध्ये कायम आहे. दरम्यान पावसाळा सुरू होवून सुमारे दिड महीन्याचा अवधी उलटला असून विभागात अजूनही समाधानकारक पाऊस नाही. त्यामुळेच विभागातील सर्व जलसाठ्यांमध्ये अल्प पाणीसाठा आहे. मंगळवार 16 जुलैच्या आढाव्यानुसार विभागातील मोठे, मध्यम व लघू अशा 502 प्रकल्पांमध्ये सरासरी केवळ 13.70 टक्के पाणीसाठा आहे.   विभागातील ..

बंद पॅसेंजर गाड्या शुक्रवारपासून धावणार

खासदार तडस यांच्या प्रयत्नांना यश अमरावती,नागपूर-भुसावळ रेल्वे मार्गावरील गेल्या अडीच महिन्यांपासून बंद असलेल्या चार पॅसेंजर रेल्वे गाड्या 19 जुलैपासून पुन्हा सुरू होणार आहे. वर्धेचे खासदार रामदास तडस यांच्या सततच्या पाठपुराव्याने गाड्या सुरू करण्याचा निर्णय रेल्वे मंत्रालयाने घेतला आहे.    नागपूर ते भुसावळ या रेल्वे मार्गावरचे काम करण्याचे कारण सांगून वर्धा-भुसावळ-वर्धा, नागपूर-भुसावळ-नागपूर, नागपूर-अमरावती-नागपूर आणि अजनी-काजीपेठ-अजनी या चार प्रमुख पॅसेंजर रेल्वे गाड्या पश्चिम ..

सभापतीसह संचालक व कर्मचार्‍यांवर गुन्हे दाखल; धामणगावर बाजार समितीतले प्रकरण

धामणगाव रेल्वे, येथील कृषी उत्पन्न बाजार समितीत भ्रष्टाचाराच्या तक्रारीवरून झालेल्या लेखा परीक्षणाच्या आधारावर दत्तापूर पोलिसांनी बाजार समिती सभापतीसह सर्व संचालक व काही कर्मचार्‍यांवर गुन्हे दाखल केले आहे. त्यामुळे चांगलीच खळबळ उडाली असून पोलिसांनी प्रकरणाची चौकशी सुरू केली आहे.  धामणगाव रेल्वे कृषी उत्पन्न बाजार समिती शेतकर्‍यांच्या हक्काच्या तारण योजनेत काँग्रेस काळापासून प्रचंड घोटाळा झाल्याच्या तक्रार होत्या. त्या अनुषंगाने सभापती, सचिव व इतर कर्मचार्‍यांवर वरिष्ठांच्य..

भिवापूर येथे चार मृत सायल जप्त

एका आरोपीला अटक, तिघे फरारवन विभागाची कारवाई चांदूर रेल्वे, चांदूर रेल्वे वनपरिक्षेत्र अंतर्गत येणार्‍या भिवापूर येथे एका घरात धाड टाकून चार मृत सायल जप्त केल्या असून एका आरोपीला अटक केली आहे. तर तीन आरोपी फरार होण्यात यशस्वी झाले. ही कारवाई शनिवारी चांदूर रेल्वे वनपरिक्षेत्रांतर्गत येणार्‍या माळेगाव वर्तुळातील कर्मचार्‍यांनी केली. मौजा भिवापूर येथे झालेल्या वन्यप्राणी शिकारीबाबत प्राप्त झालेल्या गुप्त माहितीवरून वनपाल, माळेगाव वर्तुळ यांनी पथक तयार करून व इतर कर्मचार्‍यां..