पबजी खेळ आता नाइट मोड,पोलार लाइट्ससह
स्रोत: Tarun Bharat, Nagpur   दिनांक :23-Jan-2019
ऑनलाइन मल्टीप्लेअर गेम असलेल्या पबजी खेळाचे आकर्षण दिवसेंदिवस वाढतच आहे. सोबतच हा गेम वेळोवेळी अपडेट करण्यात येत आहे. अलीकडेच ग्राहकांना विकेंडी मॅपचा पर्याय उपलब्ध करून देण्यात आला होता. या मॅपसाठी पबजीने पुढील अपडेटमध्ये नाइट मोड आणि उत्तम पॅचचा समावेश केला आहे. त्यामुळं आता प्लेअर्स नाइट मोडमध्येही खेळू शकतील, सोबतच त्यांना पोलार लाइट्स दृश्येही पाहायला मिळतील.
 
 
पबजीच्या क्रियेटिव्ह निर्मात्यांनी ट्विटरवर या नव्या अपडेट आणि पॅचची माहिती देताना सांगितले की, पुढल्या आठवड्यापर्यंत पीसी टेस्ट सर्वर्स रोल आउट होईल. या ट्विट सोबतच पोस्ट करण्यात आलेल्या एका फोटोत विकेंडी मॅपवर नाइट मोड दिसत असून सोबतच 'aurora borealis' या पोलार लाइट्सही पाहायला मिळत आहेत. हा फोटो समोर आल्यानंतरच पबजी फॅन्सची उत्सुकता ताणली गेली आहे कारण नाइट मोड सर्वाधिक रेटिंग दिलेल्या फीचर्सपैकी एक आहे.
 

 
 
तसा विचार केल्यास विकेंडी मॅपमध्ये नाइट मोड नवीन नाही, कारण गेमप्ले ट्रेलरमध्ये हा पूर्वीच दाखविण्यात आला आहे. पबजीने पहिल्यांदा कंप्युटरसाठी १९ डिसेंबरला लाँच केला होता. हाच मॅप पबजी मोबाइल ग्राहकांना याच महिन्यात उपलब्ध झाला आहे. विकेंडीला सध्या पीएस ४ आणि एक्सबॉक्स गेमिंग कन्सोल्समध्ये कार्यरत आहेत. कंसोल्डसाठी ही अपडेट पहिल्यांदा कार्यान्वित होईल त्यानंतर उर्वरित प्लॅटफॉर्मसाठी उपलब्ध होईल.
 
 
एका पोस्टनुसार विकेंडी मॅपवर येणाऱ्या नाइट मोडला 'मूनलाइट मोड' संबोधता येईल. विकेंडीमध्ये एक नवीन स्नोबाइक मिळण्याची शक्यता आहे, याबाबतही फॅन्समध्ये चर्चा सुरू आहे. ट्विटरवर पोस्ट करण्यात आलेल्या फोटोत डाव्या बाजूला एक स्नो बाइकही दृष्टीस पडते ही मजेशीर गोष्ट आहे. या पोस्टमध्ये म्हटल्याप्रमाणे नवीन मॅपमध्येही गेमप्लेही बदलणार आहे. याशिवाय कोणतीही नवीन माहिती यात समाविष्ट करण्यात आलेली नाही. कंप्युटरवर स्थिरावल्यानंतर विकेंडी संभाव्यत: पबजी मोबाईलवर रिलीज करण्यात येईल. गेमच्या नव्या व्हर्जनमध्ये जॉम्बिजच्या अपडेट येणार अशी माहिती समोर आली आहे. पबजी मोबाईल एक्स रेसिडंट इव्हिल२ क्रॉसओव्हर या महिनाअखेर शेवटच्या आठवड्यात रिलीज होईल असा अंदाज आहे.