गडचिरोलीत मतदान केंद्राकडे जाताना शिक्षकाचा मृत्यू

    दिनांक :21-Oct-2019
गडचिरोली,
एटापली तालुक्यातील पुरसुलगोंदी येथील मतदान केंद्रावर पायी जात असताना भोवळ येऊन पडल्याने निवडणूक कर्तव्यावर असलेल्या एका शिक्षकाचा मृत्यू झाला. या शिक्षकाला मिरगीचा आजार असल्याचं सांगण्यात येतं.

बापू गावडे असं या शिक्षकाचं नाव आहे. बापू गावडे काल निवडणुकीच्या कामासाठी पुरसुलगोंदी येथील मतदान केंद्राकडे पायी जात असताना त्यांना भोवळ आल्याने ते खाली पडले. त्यामुळे त्यांच्या डोक्याला जबर मार लागला. त्यामुळे त्यांना एटापली येथील उपचार केंद्रावर उपचार करून चंद्रपूरला पाठवण्यात आले. चंद्रपूर येथील रुग्णालयात उपचार सुरू असताना आज त्यांचा मृत्यू झाला.