'वॉर'ची तिसऱ्या आठवड्यातही घोडदौड सुरूच

    दिनांक :21-Oct-2019
मुंबई,
हृतिक रोशन आणि टायगर श्रॉफ यांच्या 'वॉर' चित्रपटानं कमाईचे सगळे विक्रम मोडीत काढले आहेत. तिसऱ्या आठवड्यातही चित्रपटाला प्रेक्षकांकडून भरघोस प्रतिसाद मिळतोय. तिसऱ्या आठवड्यातही 'वॉर'नं रेकॉर्ड ब्रेक कमाई केली आहे. लवकरच 'वॉर' तीनशे कोटींच्या क्लबमध्ये पोहचण्याची शक्यता आहे.

 
बॉक्सऑफिस इंडियाच्या अहवालानुसार, तिसऱ्या आठवड्यात 'वॉर'नं १२.५० रुपयांचा गल्ला जमवला आहे. तिसऱ्या आठवड्याच्या कमाईनुसार, चित्रपटानं आत्तापर्यंत २८३. ८८ कोटी कमाई केली आहे. या चित्रपटानं संजय लीला भन्साळींचा पद्मावत चित्रपटालाही मागं सोडलं आहे.
२ ऑक्टोबरला 'वॉर' चित्रपटगृहात प्रदर्शित झाला होता. हृतिक आणि टायगर श्रॉफ यांच्याबरोबर वाणी कपूर आणि आशुतोष राणा यांच्या महत्त्वाच्या भूमिका आहेत. सिद्धार्थ आनंद यांनी या चित्रपटाचे दिग्दर्शिन केले आहे. हा सिनेमा एकाचवेळी ५ हजार ३५० स्क्रीन्सवर झळकला आहे. हा सिनेमा टायगर श्रॉफच्या करिअरमधील सर्वात यशस्वी सिनेमा ठरला आहे. यापूर्वी त्याचा 'बागी २' हा सिनेमानं १६६ कोटींच्या कलेक्शन केलं होतं. चित्रपटातील टायगर श्रॉफ आणि हृतिक रोशन यांची थक्क करणारी अॅक्शन दृश्य यामुळं प्रेक्षकांच्या मनात चित्रपटाविषयी कमालीची उत्सुकता होती.