अभिनेता अर्जुन रामपालचा २१ वर्षांचा संसार मोडला

    दिनांक :21-Nov-2019
मुंबई,
अभिनेता अर्जुन रामपाल आणि पत्नी मेहर जेसिया यांच्या घटस्फोटाची चर्चा अनेक दिवसांपासून चर्चा सुरू होती. तब्बल २१ वर्षांच्या संसारानंतरअर्जुन रामपाल आणि मेहर जेसिया यांनी सहमतीनं वेगळं होण्याचा निर्णय घेतला आहे. बांद्रा येथील कोर्टात दोघांच्या सहमतीने घटस्फोटासाठी मंजुरी देण्यात आली.

 
१९९८ साली अर्जुन रामपाल आणि पत्नि मेहर जेसिया विवाह बंधनात अडकले होते. या दोघांना माहिका आणि मायरा नावाच्या दोन मुलीसुध्दा आहेत. २०११ मध्येच अर्जुन आणि मेहेर घटस्फोट घेणार असल्याची चर्चा होती. त्यानंतर या दोघांनी २८ मे २०१८ मध्ये अधिकृतरित्या आम्ही वेगळे राहणार असल्याची माहिती दिली. दरम्यान अर्जुन आपल्या दुसऱ्या घरात काही काळ राहत होता, त्यातच अर्जुनचं साउथ आफ्रिकन मॉडेल , फॅशन डिझायनर गॅब्रियेला नावाच्या मैत्रिणीशी जवळीक वाढली आणि त्यातून गॅब्रियेला गरोदर असल्याचे समोर आले . त्यामुळे अर्जुन आणि पत्नि मेहर जेसिया यांच्यात अनेक मुद्द्यावर खटके उडायचे.
अखेर ३० एप्रिल २०१९ रोजी दोघांनी बांद्रा येथील कोर्टात घटस्फोटासाठी अर्ज दिला. हा घटस्फोटाचा खटला वकील शैलजा सांवत यांच्याकडं होता. कोर्टाच्या आदेशानुसार घटस्फोटीत जोडप्यांना सहा महिन्यांचा कालावधी दिला जातो. या कालावधीत पती पत्निला वेगळे राहण्याचा निर्णय मागे घेण्याची मुभा दिली जाते. परंतु अर्जुन आणि मेहर यांच्यातील कौटुंबिक वादामुळे त्यांनी अखेर मंगळवारी वेगळे राहण्याच्या निर्णयावर शिक्का मोर्तब केले. तर दोन मुलींची जबाबदारी पत्नी मेहर जेसियाने घेतली आहे.
दरम्यान अर्जुन आणि त्याची मैत्रिण गॅब्रियेला यांना अरिक नावाचा एक मुलगा सध्दा आहे. याविषयी अर्जुननं काही माहिती देण्यास नकार दिला आहे. सध्या अर्जुनची मैत्रिण गॅब्रियेला सोशल मीडियावर सक्रिय असून तिच्या बॉल्ड फोटोसने सोशल मीडियावर धुमाकुळ घातला आहे.