श्रीदेवींच्या साडीची सव्वा लाखांना बोली
   दिनांक :23-Feb-2019
अभिनेत्री श्रीदेवी यांच्या मृत्यूला येत्या २४ फेब्रुवारीला एक वर्ष पूर्ण होत असून या निमित्तानं कपूर कुटुंबीयांनी श्रीदेवींच्या साडीचा ऑनलाइन लिलाव ठेवला आहे. हा लिलाव सुरू झाला असून आतापर्यंत या साडीला सव्वा लाखांपर्यंतची बोली लागली आहे.
 

 
श्रीदेवी यांच्या अकाली मृत्यूमुळं सर्वांनाच धक्का बसला होता. त्यांच्या पहिल्या स्मृतीदिनाच्या निमित्तानं १४ फेब्रुवारी रोजी कपूर कुटुंबीयांनी चेन्नईत खास पूजा ठेवली होती. त्यानंतर आता श्रीदेवी यांचे पती बोनी कपूर यांनी श्रीदेवींच्या 'कोटा साडी'चा लिलाव ठेवला आहे. ४० हजार रुपयांपासून बोलीला सुरुवात झाली असून ती आता १ लाख २५ हजारांपर्यंत पोहोचली आहे. लिलावातून मिळणारी रक्कम निराधार महिला, अनाथ मुलं आणि वृद्धांसाठी काम करणाऱ्या 'कन्सर्न इंडिया फाउंडेशन प्रोग्राम' या संस्थेला दिली जाणार आहे.
 
श्रीदेवी बॉलिवूडमधील फॅशन आयकॉन म्हणून ओळखल्या जायच्या. त्यांना डिझायनर कपड्यांची आवड होती. साउथ इंडियन प्रकारातील कोटा साडी ही श्रीदेवी यांची ओळख होती.