आयकर भरण्यासाठी आधार-पॅन जोडणी अनिवार्य, कायदा १३९ एए कायम; सर्वोच्च न्यायालयाचे निर्देश
स्रोत: Tarun Bharat, Nagpur   दिनांक :07-Feb-2019
 
 
 
 
 
 
 
 
 
 
 
 
 
 
नवी दिल्ली :
 
आयकर भरताना आधार- पॅन कार्ड जोडणे अनिवार्य असल्याचे नुकतेच सर्वोच्च न्यायालयाने दिलेल्या निकालामध्ये .सांगितले असून आयकर कायदा 139 एए ला कायम ठेवले आहे. न्यायमूर्ती ए. के. सीक्री आणि ए. अब्दुल नजीर यांच्या खंडपीठाने हे आदेश दिले आहेत.
सर्वोच्च न्यायालयाचा हा निर्णय दिल्ली उच्च न्यायालयामध्ये दाखल केलेल्या एका याचिकेसंबंधीत असून दिल्ली उच्च न्यायालयाने आपल्या निर्णयामध्ये श्रेया सेन आणि जयश्री सातपुते यांना पॅन-आधार लिंक केलेले नसले तरीही 2018-19 साठी आयकर भरण्यास परवानगी दिली होती.
सर्वोच्च न्यायालयाने यावर मत मांडताना म्हटले की, उच्च न्यायालयाने दिलेला निर्णय हा तेव्हा सर्वोच्च न्यायालयात सुनावणी प्रक्रिया सुरु असल्याचे विचारात घेऊन दिला होता. यानंतर सर्वोच्च न्यायालयाने निकाल दिला होता. यामुळे आधार आणि पॅन कार्ड जोडणी आवश्यक असल्याचे म्हटले आहे. यामुळे 2019-20 साठी आयकर भरताना पॅन आधार जोडणी करावी लागणार आहे. अन्यथा भरलेला आयटीआर गृहीत धरला जाणार नाही.