आणखी एका ट्रॉफीची संधीबस्स, हवा आणखी एक विजय
स्रोत: Tarun Bharat, Nagpur   दिनांक :09-Feb-2019
भारत-न्यूझीलंड तिसरा टी-20 सामना उद्या
स्थळ : सेडन पार्क, हॅमिल्टन
सामन्याची वेळः दुपारी 12.30 वाजतापासून
थेट प्रसारण : स्टार स्पोर्टस्‌ व डीडी स्पोर्टस्‌वर

हॅमिल्टन,
या मोसमात बर्‍याच गोष्टी भारतीय क्रिकेट संघासाठी प्रथमच ठरणार आहे. रोहित शर्माच्या नेतृत्वाखालील भारतीय संघ टी-20 मालिकाविजयाच्या निर्धाराने रविवारी न्यूझीलंडविरुद्ध तिसर्‍या व अंतिम सामन्यात झुंजणार आहे. भारतीय संघाला न्यूझीलंडमध्ये टी-20 मालिका िंजकता आलेली नाही. त्यामुळे तिसरा सामना िंजकून मालिका खिशात घालण्यासाठी भारतीय संघ सज्ज आहे. दुसरा सामना िंजकून भारताने मालिकेत 1-1 अशी बरोबरी मिळविलेली आहे.
 

 
 
 
गत तीन महिन्यांच्या दौर्‍यात भारतीय संघाने संस्मरणीय यश संपादन केले आहे. ऑस्ट्रेलियात 70 वर्षांत प्रथमच कसोटी मालिका विजय, वन-डे मालिकेत सरशी, त्यानंतर न्यूझीलंडमध्ये दहा वर्षांनंतर वन-डे मालिका िंजकण्याचा पराक्रम भारतीय संघाने केला आहे. आता भारताला न्यूझीलंडमध्ये पहिला टी-20 मालिका विजय नोंदविण्याची नामी संधी आहे. विदेशातील आव्हानात्मक परिस्थितीत आणखी एक मालिका िंजकण्यापेक्षा मोठी प्रेरणादायी गोष्ट असू शकत नाही. गत शुक्रवारी भारताने मिळवलेला विजय हा न्यूझीलंडविरुद्धचा त्यांच्याच भूमीवर 10 वर्षांतील पहिलाच टी-20 विजय ठरला.
 
 
भारताने पहिल्या दोन सामन्यात तोच अकरा खेळाडूंचा संघ खेळविला, परंतु जर संघव्यवस्थापनाने तिसर्‍या सामन्यासाठी संघात काही परिवर्तन करण्याच्या विचार केला, तर फिरकीपटू यजुवेंद्र चहलच्या जागी कुलदीप यादवला संधी मिळण्याची शक्यता आहे. शिवाय अष्टपैलू विजय शंकरच्या जागी केदार जाधव अंतिम अकरामध्ये स्थान पटकावू शकतो. कृणाल पांड्याने आपली निवड सार्थ ठरवली आहे. त्यामुळे त्याचे स्थान पक्के आहे. जलदगती गोलंदाजांमध्ये भुवनेश्वर कुमार व खलील अहमद हेच कायम राहतील.
 
 
तिकडे न्यूझीलंडचा कर्णधार केन विल्यम्सने आपल्या क्षमतेनुसार मर्यादित षटकांच्या मालिकेत सामना केला. गत तीन आठवड्यात ज्येष्ठ फलंदाज रॉस टेलरसुद्धा कधी थंड, तर कधी गरम राहिला. गोलंदाजांमध्ये टिम साऊदीने पहिल्या सामन्यात प्रभावी प्रदर्शन केले व दुसर्‍या सामन्यात स्कॉट कुगेलजनसोबत संमिश्र यश मिळविले.