पाकिस्तानमध्ये टमाटर आणि लसूणची कमतरता; भारतातून तस्करी
   दिनांक :10-Mar-2019
लाहोरः
पुलवामा येथील दहशतवादी हल्ला आणि भारताने त्याला दिलेले प्रत्युत्तर यानंतर पाकिस्तानमध्ये टमाटर आणि लसूण याची मोठी कमतरता निर्माण झाली आहे. भारतातून पाठविण्यात आलेले भाज्यांचे ट्रक काही मिनिटातच संपल्याची माहिती आहे. भारतीय हवाई दलाचे विंग कमांडर अभिनंदन यांना भारताकडे सुपुर्द केल्यावर भारतातून टमाटर आणि लसणाचा काळा बाजार केल्या जात असल्याचे वृत्त स्थानिक प्रसारमाध्यमातून प्रसिद्ध करण्यात आले आहे.
 
 
भारत आणि पाकिस्तानमधील तणावाच्या परिस्थितीनंतर दोन्ही देशांमधील व्यापार ठप्प झाला होता. मात्र, श्रीनगर येथून पाकिस्तानच्या ताब्यात असलेल्या चकोटी येथे भाज्यांचे ट्रक जाण्यास सुरुवात झाली आहे. रावळपिंडी आणि लाहोर येथील बाजारातही भारतीय वाहने जात आहेत. लाहोर येथील बाजारपेठेत असणाऱ्या होलसेल असोसिएशनने भारतविरोधी फलक लावले आहेत. मात्र, दुसरीकडे काही व्यापारी भारतातून वस्तू मागवून त्या विकत असल्याचे चित्र आहे. लसणाची मोठी खेप लाहोर येथील एका व्यापाऱ्याने मागवली होती. परंतु, ही खेप तस्करी करून पाकिस्तानात आणली जात असल्याचा दावा असोसिएशनचे सरचिटणीस चौधरी खलील महमूद यांनी केला आहे.