रेल्वेच्या तिन्ही मार्गांवर आज मेगाब्लॉक
   दिनांक :21-Apr-2019
आज (रविवार) रेल्वेच्या तिन्ही मार्गांवर मेगाब्लॉक घेण्यात आला आहे. मध्य रेल्वेच्या माटुंगा ते मुलुंडदरम्यान धिम्या मार्गावर मेगाब्लॉक घेण्यात आला आहे. हार्बर मार्गावर सीएसएमटी ते चुनाभट्टी आणि वांद्रे असा मेगाब्लॉक घेण्यात आला आहे. तसेच पश्चिम रेल्वेच्या चर्चगेट ते मुंबई सेंट्रल या स्थानकांदरम्यान दोन्ही दिशेकडे जाणाऱ्या जलद मार्गावर मेगाब्लॉक असणार आहे.
 

 
मध्य रेल्वे मार्गावरील माटुंगा ते मुलुंड या स्थानकांदरम्यान कल्याण दिशेकडील धिम्या मार्गावर आज (रविवारी) सकाळी १०.५७ ते दुपारी ३.५२ वाजेपर्यंत ब्लॉक घेण्यात आला आहे. या काळात माटुंग्याहून कल्याणच्या दिशेकडे जाणाऱ्या लोकल माटुंगा ते मुलुंडदरम्यान जलद मार्गावर धावणार आहेत. या लोकल सायन, कुर्ला, घाटकोपर, विक्रोळी, भांडुप आणि मुलुंड स्थानकांवर थांबतील. तसेच, कल्याणच्या दिशेने जाणाऱ्या लोकल विद्याविहार, कांजूरमार्ग आणि नाहूर या स्थानकांवर थांबणार नसल्याचे रेल्वेने स्पष्ट केले आहे.
सकाळी १०.५४ मिनिटांपासून ते दुपारी ३ वाजून ०६ मिनिटांपर्यंत कल्याणहून सीएसएमटीकडे जाणाऱ्या लोकल  दिवा, मुलुंड, भांडुप, विक्रोळी, घाटकोपर आणि कुर्ला या स्थानकांवर थांबणार आहेत. सकाळी १० वाजून ४८ मिनिटांपासून ते दुपारी ३ वाजून ४० मिनिटांची सीएसएमटीहून कल्याण दिशेकडे जाणाऱ्या जलद लोकल घाटकोपर, विक्रोळी, भांडुप, मुलुंड आणि दिवा स्थानकांवरही थांबणार आहेत.
असा असेल हार्बर मार्गावर ब्लॉक
> हार्बर मार्गावरील सीएसएमटीहून चुनाभट्टी, वांद्रे स्थानकासाठी सकाळी ११.४० ते दुपारी ४ वाजून १० मिनिटांपर्यंत लोकल धावणार नाहीत.
> चुनाभट्टी, वांद्रे स्थानकाहून सीएसएमटी दिशेकडे सकाळी ११.१० ते दुपारी ३.४० वाजेपर्यंत लोकल वाहतूक बंद.
> सकाळी ११.३४ ते दुपारी ४.२३ वाजेपर्यंत सीएसएमटी आणि वडाळा स्थानकातून वाशी, बेलापूर, पनवेल या स्थानकांसाठी सुटणाऱ्या सर्व लोकल रद्द.
> सकाळी ९.५३ ते दुपारी २.४४ वाजेपर्यंत पनवेल, बेलापूर, वाशीहून सीएसएमटीसाठी सुटणाऱ्या सर्व लोकल रद्द.
> सकाळी १०.४५ ते दुपारी ४.५८ वाजेपर्यंत वांद्रे, अंधेरी, गोरेगावहून सीएसएमटीसाठी तसेच सकाळी ९.५६ ते दुपारी ४.१६ वाजेपर्यंत सीएसएमटीहून वांद्रे, अंधेरी, गोरेगावदरम्यान वाहतूक बंद.
> प्रवाशांच्या सोयीसाठी ब्लॉकदरम्यान पनवेल ते कुर्ला विशेष लोकल फलाट क्रमांक ८ वरून चालविण्यात येतील.